SALAUATTY ŞAHARDYŊ SALTY
2016 jylǧy 15 tamyzdan bastap «Sporttyq Astana, sau Astana!» atty bıregei aksiiasyn bastady. Onyŋ maqsaty – astanalyqtardy sportqa baulu. Aksiianyŋ ūrany – «auyryp em ızdegenşe, auyrmaudyŋ jolyn ızde».
Köŋıldı starttar
Aksiia 15 tamyzda bastalyp, 15 qyrküiekke deiın ötedı. Osy uaqyttyŋ ışınde elordalyq sport alaŋdarynda qyzyqty sporttyq jarystar ūiymdastyrylady, oǧan niet bıldırgenderdıŋ bärı de qatysa alady. Mysaly, är demalys saiyn Astananyŋ toǧyz parkınde saǧat 18.00-20.00 aralyǧynda zıltemır, gır köteruden jarystar, stritbol, şahmattan saiystar, arqan tartu ūlttyq oiyny, sondai-aq, otbasyǧa arnalǧan «Köŋıldı starttar» ötkızıldı.
Jarystarǧa 5-6 jastaǧy balalar men olardyŋ ata-analary qatysty. Mūnda kün saiyn 4500-ge juyq adam öner körsettı. Qatysuşylar estelık syilyqtarmen jäne jüldelermen marapattaldy.
Aula klubtarynyŋ arasynda ötken «Köŋıldı starttarda» qala tūrǧyndary tūtastai otbasylarymen qatysty.
«Astana marafony 2016»
4 qyrküiekte ötetın «Astana marafony – 2016» halyqaralyq qaiyrymdylyq şarasy aksiia aiasyndaǧy erekşe oqiǧa bolady. Oǧan 5 myŋnan astam adam qatysady dep kütılude.
Qaiyrymdylyq marafonǧa tanymal tūlǧalar men memlekettık qairatkerler qatysady.
Sondai-aq, taiau jäne qiyr şetelden 23 memleketten atletter, elşılıkter men halyqaralyq kompaniialardyŋ qyzmetkerlerı qatysady.
Atap aitqanda, Ūlybritaniia, Malaiziia, Polşa, Chehiia, İtaliia, AQŞ, Qyrǧyzstan, Fransiia,
Avstraliia, Germaniia, İran, Resei, İrlandiia, Belgiia, Estoniia, Braziliia, Özbekstan, Qytai, Oŋtüstık Koreia, Venesuela, Türkiia, Grekiia, Japoniia elderınıŋ ökılderı marafonda baǧyn synaidy.
Elordada marafondy ötkızuge bailanysty saǧat 7.30-14.00 aralyǧynda ortalyq köşelerde qozǧalys toqtatylady. Elorda tūrǧyndary men qonaqtaryna uaqyt ünemdep, joldarda dau tuǧyzbas üşın öz baǧdarlaryn aldyn ala josparlap aluy qajet. Astana qalasynyŋ äkımdıgı uaqytşa yŋǧaisyzdyqtarǧa tüsınıstıkpen qaraudy sūraidy.
Jarystar. Turnirler. Chempionattar
4 qyrküiekte Marafonnan basqa, Astanada 15 artyq jalpyqalalyq sporttyq şara ötkızu josparlanǧan. Oǧan 7000-ǧa juyq elorda tūrǧyny men qonaǧy qatysady dep kütılude.
Mysaly, «Jerūiyq», «Astanalyq», «Astana Triatlon» saiabaqtarynda asyq atu, arqan tartu jarystary, sonymen qatar, velojarys ötkızıledı. Jarystar 4 qyrküiekte saǧat 10.00-de bastalady, oǧan qatysuǧa niet bıldırgenderge esık aşyq. Jaqyn aimaqtardyŋ jäne elordalyq sportşylardyŋ arasynda üstel tennisınen, şahmattan, şaǧyn futboldan, jeŋıl atletikadan, su polosynan jäne at sportynan turnirler ūiymdastyrylady. Jeŋımpazdar baǧaly syilyqtarmen marapattalady.
4 qyrküiekte «Barys» sport keşenınde elorda tūrǧyndary men qonaqtaryna arnalǧan aşyq esık künı ötedı. Şara aiasynda kez kelgen adam mūz aidynyna şyǧyp, «Barys» HK jetekşı bapkerlerınıŋ şeberlık synyptaryna qatysa alady. 2016 jylǧy 5-15 qyrküiek aralyǧynda aksiia aiasynda 2000 artyq adam qatysatyn 10 şara ötkızu josparlanǧan. Salauatty ömır saltyn nasihattau maqsatynda 10 qyrküiekte№71 OM Esıl audanynyŋ mektep mūǧalımderınıŋ arasynda voleiboldan turnir ötedı.
11 qyrküiekte «Astana Triatlon» saiabaǧynda «Otbasylyq Duatlon» ötedı. Ata-analar men balalar osy jarysqa bırge qatysyp, salauatty ömır saltynyŋ qajettılıgın körsetpek.
Aksiia aiasynda velosporttan Qazaqstan Respublikasynyŋ Chempionaty (4 kündık toptyq jarys), qoian-qoltyq ūrystan Ūlttyq ūlan Bas qolbasşysynyŋ Kubogy, taekvondodan «Koreia elşılıgınıŋ kubogy» respublikalyq turnirı ötedı.
2016 jylǧy 7-10 qyrküiek aralyǧynda «Qazanat» ippodromy aumaǧynda «Astana jūldyzy» sporttyq jarysy ötedı. Atalǧan jobanyŋ negızgı mındetı – öskeleŋ ūrpaqty ūlttyq sport türlerıne, salt-dästürlerge, mädeniet pen tūrmysqa baulu. «Astana jūldyzy» kökpar, qyz quu, bäige, audaryspaq, teŋge alu jäne t.b. ūlttyq sport türlerın damytuǧa baǧyttalǧan. Jobaǧa elımızdıŋ üzdık sportşylary qatysady.
11 qyrküiekte Qabanbai batyr auylynda at sportyna äues jandar 51 şaqyrymdyq alaman bäigede «Altyn Tūlpar» ataǧy sarapqa salady. Jarys «Qazsport» jäne «Qazaqstan» telearnalarynan tıkelei efirde körsetıledı.
Qalalyq äkımdık barlyq astanalyqtardy otbasylarymen bırge sportpen şūǧyldanuǧa şaqyrady. Būl üşın barlyq audandarda jäne är aulada qolaily jaǧdailar jasalatyn bolady. Endeşe, bır sät tynyǧyp, būqaralyq sporttyq şaralarǧa qatysyp, taza auada serıgıp qaityŋyzdar.