Tamyz aiynyŋ 5-nşı jūldyzynan bastap, elımızdegı qoldanystaǧy salyq esebı ülgısıne bırqatar özgerıster engızıledı. Negızınde engızıletın özgerıster QR Qarjy ministrınıŋ 21 mausym küngı būiryǧy boiynşa bekıtılgen. Būl būiryq resmi jariialanǧannan keiın 10 künnen soŋ küşıne enedı.
– Özgerıster tek salyq esebı ülgısıne ǧana emes, toltyru tärtıbıne de engızıldı. Mäselen, 200-den 590-ǧa deiıngı ülgılerge özgerıs engızılse, 700, 701.00, 701.01 ülgılerınıŋ toltyru tärtıbı özgerdı. Sondai-aq, 100.00, 150.00, 230.00, 300.00, 910.00, 920.00 salyq esebı ülgılerın de toltyru tärtıbı būrynǧysynan bölek, – dep tüsınıkteme berdı Astana qalasy boiynşa Memlekettık kırıs departamentı Tüsındıru jūmystary basqarmasynyŋ bölım bastyǧy Mädina Qalieva.
Onyŋ aituynşa, 100 salyq ülgısınıŋ toltyru tärtıbınde Käsıpkerlık kodeksıne jasalatyn sılteme QR «İnvestisiia turaly» Zaŋynyŋ küşın joiuyna bailanysty özgergen. Al 200 salyq ülgısınde «Salyq töleuşı sanaty» dep jazylǧan jolda «ASJ (arnaiy salyq jüiesın) qoldanatyn salyq töleuşı, auyl şaruaşylyǧy önımderın öndıretınder, akvaönım (balyq şaruaşylyǧy) men auyl şaruaşylyq tūtynu kooperativterı» degen naqtylanǧan redaksiia-da berılgen. 230 ülgısınde toltyru tärtıbındegı sılteme «Jemqorlyqqa qarsy küres turaly» Zaŋyna özgergen. Ol būryn «Jemqorlyqpen küres turaly» Zaŋ bolyp körsetılgen. Qalǧan ülgıdegı özgerıster, toltyru tärtıbındegı osyndai tolyqtyrular salyq töleuşılerge biylǧy jyldyŋ 5-şı tamyzynan bastap qoljetımdı bolady. Olar jaŋa ülgılermen 5-şı tamyzdan keiın ǧana tanysa alady.
Meŋdolla NŪRYMŪLY
