Namys: Ei, Sana, älı sol sylbyr aiaŋmen jürsıŋ be, men siiaqty qyzbalanyp, qairattanyp jürmeimısıŋ?!
Sana: Qaşan körse de tartysyp, talasyp jüresıŋ, bır mezgıl damyldap, oiǧa erık berseişı. Ömırde bärın oimen ölşeuge, tüsınuge, qyzbalanbai-aq jüruge bolady emes pe?!
Namys: Saǧan salsa bärı dūrys, bärı jön, bärı oryndy siiaqty. Jo-joq, olai emes! Men bolmasam, bıreudıŋ esesı bıreuge ketıp, bır halyq bır halyqqa zorlyq qylǧanyn qoimas edı. Men dünienıŋ aramy men adalyn, jaqsysy men jamanyn aiyruşy, ärqaisysyna baǧa beruşımın!
Sana: Sen öitıp köptıŋ kösemı bolmai-aq qoi. Şyn kösemdıgıŋdı aitşy, käne, senıŋ kömegıŋ kımge jürıp edı?!
Namys: Menıŋ kömegımdı mynau qazaq dalasy san kördı, san sezındı. Keudesınde men bolmasam, İsatai men Mahambet, Kenesary men Janqoja, Sūranşy men Sauryq qaharmandyq qylar ma edı. Men, men, men bolmasam Alaş balasy atoilap bostandyq sūrar ma edı. Keşegı Jeltoqsan şe?!
Sana: Äiteuır, qaşan körse at üstındesıŋ. Sonda bügın qaida barmaqsyŋ, qai jürekke ot jaqpaqsyŋ, qai tūlǧaǧa şyraq bolmaqsyŋ?
Namys: Menıŋ bararym köp, mūratym orasan, maqsatym zor!
Sana: Asyryŋqyrap jıbergen joqsyŋ ba?
Namys: Asyryŋqyrap jıbersem, igı edı, jetpei jürgen joqpyn ba?!
Sana: Sonda kımderge jetpei jürsıŋ?
Namys: Men tarihyn bılmeitın talaiǧa, jadyn oiatpaǧan jat bauyrǧa, tılın tüsınbegen adasqanǧa jetpei jürmın. Men ǧasyrlap kütken azattyqtyŋ qadırın bılmegen qazaqqa, tūlǧasyn tūqyrtqan, aiaulysyn ardaqtamaǧan adamdarǧa jetpei jürmın. Men jatqa elıktegenge ūialmaityndarǧa, özınen özgenı zor körgenge qyzarmaityndarǧa, janyndaǧy asylyn qorǧauǧa tūra almaityndarǧa jetpei jürmın.
Sana: Osylai josyltpasaŋ Namys bolarmysyŋ!
Sende bar küiık, bar mende!
Mūŋlyq boldyq endeşe ekeuımız de.
Namys oty janbasa jüregıŋde,
Aqyl nūry janar ma qūr keudede!
Berekesı şalqyǧan mynau jūrtqa,
Jügınbese bolmaidy Ot – Namysqa!
Aqyl kerek, ar kerek, ūiat kerek,
Halyq bolyp qalu üşın būl ǧalamda!
Täuelsızdık künıne arnalǧan keşegı «Azattyqqa jettık bız!» atty merekelık keşten osyndai erekşe qoiylymǧa täntı boldyq. Arnaiy teatrlandyrylǧan aitystyŋ ruhty lebı, Arqanyŋ asaulanǧan aq boranyna qaramastan zalda lyq toly jinalǧan, mektep oquşylaryn airyqşa jıgerlendırgendei. Sana men Namystyŋ aitysyn zer sala, ūiyp tyŋdaǧan balalardy körgende, būl qoiylymnyŋ jazbaşa nūsqasyn myŋdaǧan jastardyŋ jürekterıne jetkızuge asyq boldyq.
Alda älı sansyz şaralar öter, alaida «Alaş tuy astynda…» filmımen şymyldyǧyn aşqan, Tıl basqarmasynyŋ basşysy Erbol Tıleşov bastaǧan tıl janaşyrlarynyŋ būl şarany däl 5-jeltoqsan künı ötkızulerınde de tarihi sabaqtastyqtyŋ belgısı bar. Sebebı, däl osy künı 1917 jyly Orynborda Ekınşı jalpyqazaq sezı bastalǧany tarihtan aian. Aituly künnıŋ aiasynda tıl märtebesı men mereiın asqaqtatuǧa öz ülesterın qosyp jürgen bırneşe tūlǧalar – tıl komitetınıŋ tūŋǧyş basşysy bolǧan söz sardary Sūltan Orazalin aǧamyz, Mırjaqyp Dulatūlynyŋ süiegın
sonau Kareliiadan tuǧan elge jetkızgen ǧalym Marat Äbsemetov, aitysker aqyn Serıkzat Düisenǧazin jäne «Parasat» debat klubynyŋ jetekşısı Jetıker Yqylas marapattaldy.
№31 «Aqsūŋqar» balabaqşasynyŋ büldırşınderınıŋ täp-tättı tılderınen «Täuelsızdıkke tartu» öleŋderı oqylǧanda jūrtşylyq erekşe äserge bölendı.
Alaş ziialylarynyŋ qairatkerlıgın därıpteumen bastalǧan tarihi-sazdy keştıŋ ruhyn belgılı sazger, tanymal änşı Tūrsynǧazy Rahimov aǧamyz «Qazaǧym-ai», «Nenı aŋsaimyn» änderın äuelete, zor dauyspen şyrqap, sahnanyŋ körkın qyzdyrǧanda, syrttaǧy şyrşalarymyz da şydas bermegen syŋaily.
Nūrgül Mältık
