«Jas saqşy» qūqyqtyq tärtıptı saqtau jasaǧynyŋ qatary ondaǧan komandirmen tolyqty. Astana qalasy Işkı ıster departamentınıŋ Jergılıktı polisiia qyzmetı jäne qalalyq Qoǧamdyq damu ısterı basqarmasy «Saqşy» jasaq jūmysynyŋ resmi aşylu saltanatyn ötkızdı.
Biyl – elordanyŋ 20 jyldyq mereitoiy. Demek, mereke qarsaŋynda köptegen şaralar ūiymdastyrylmaq. Osy oraida Jergılıktı polisiia qyzmetkerlerıne jas tärtıp saqşylary kömekke kelıp, qaladaǧy tynyştyqty qamtamasyz etuge atsalysady. Jasöspırımder arasyndaǧy qūqyq būzuşylyq pen qylmystyŋ aldyn alu şaralarymen ainalysatyn jas saqşylar arnaiy ırıkteuden öttı. Olar jasy 16-dan asqan, öz ısıne jauapkerşılıkpen qaraityn ärı sottalmaǧan boluy kerek.
Qoǧamdyq damu ısterı basqarmasynyŋ basşysy Daniiar Esinnıŋ aituynşa, saqşylar keşkı saǧat 7-den bastap tüngı 10-11-lerge deiın reidtık şaralarǧa qatysady. Jasöspırımderdıŋ jol-qauıpsızdık erejelerın saqtauy da jas inspektorlarǧa mındetteldı. Mäselen, byltyr 1200-den astam äkımşılık-qūqyqtyq zaŋnamalyq anyqtama toltyrylyp, arnaiy aiyppūl salyndy.
Aita keteiık, jasaq jūmysy qyrküiek, qazan ailaryna deiın jalǧasady.
