Äl-Farabi atyndaǧy Qazaq ūlttyq universitetınıŋ jurnalistika fakultetınde belgılı aqyn, körnektı rämıztanuşy, bır sözben aitqanda, halqymyzdyŋ ardaqty azamaty Erbol Şaimerdenov atyndaǧy auditoriia aşyldy.
Biyl talai tūǧyrly tūlǧalar tülep ūşqan atalǧan bılım ordasyna 85 jyl tolyp otyr. Osyndai aituly künmen tūspa-tūs kelgen şaraǧa qarymdy qalamgermen közı tırısınde jaqyn syilas bolǧan aǧalary, dostary, ärıptesterı kelıp, talantty azamat jaiyndaǧy estelıkterımen bölıstı.
Jaŋa auditoriianyŋ lentasyn äl-Farabi atyndaǧy QazŪU rektory, akademik Ǧalymqaiyr Mūtanov pen aqyn, Memlekettık syilyqtyŋ laureaty Nūrlan Orazalin qidy. Universitet rektory öz sözınde Şaimerdenovtıŋ jany jaisaŋ azamat ekendıgın aitsa, Nūrlan Orazalin onyŋ aqyn retınde erte közge tüsıp, «Pioner» jurnalynda qyzmet ıstep jürgende, mektep oquşysy kezınde jazǧan alǧaşqy balausa öleŋderıne sät-sapar tılegenın jetkızdı.
Al tanymal aqyn, Memlekettık syilyqtyŋ laureaty Nesıpbek Aitūly «Erbol jasaǧan üş erlık» dep, onyŋ audarma salasyndaǧy akademiialyq eŋbegı men rämıztanu ısın ǧylym retınde qalyptastyrǧanyn jäne egemendıktıŋ eleŋ-alaŋ şaǧynda tılge janaşyrlyǧy men küreskerlıgın airyqşa aityp öttı. Körnektı jazuşy Smaǧūl Elubai «Jan-jaqty qyrymen erte tanylǧan Erbol o bastan danalyqqa qūştar edı. Öz elıne Erboldai eŋbek sıŋırgen azamattardyŋ aty mäŋgı atalyp jürgei, sonda ǧana halyq öz qalpynan biıktei tüsedı» dedı ol.
Jaŋa auditoriianyŋ jabdyqtaluyna Erbol Şaimerdenovtıŋ otbasy qoldau körsetken.
