Auyl» halyqtyq-demokratiialyq patriottyq partiiasynyŋ Aqmola oblysy boiynşa filialy qaita öŋdeu salasy mäselelerı boiynşa köşpelı keŋes ötkızdı.
«Aian» diırmendı-makaron kombinaty» JŞS-nıŋ öndırıs alaŋynda ötken basqosuǧa partiia basşylyǧy jäne qaita öŋdeu kompaniialarynyŋ ökılderı qatysty. Partiia töraǧasynyŋ bırınşı orynbasary Töleutai Raqymbekov kombinat eŋbekkerlerımen kezdesıp, partiia baǧdarlamasynyŋ jobasymen tanystyrdy jäne basymdyq baǧyttaryn aityp öttı. Sondai-aq auyl şaruaşylyǧy önımderın öndıru salasynda özektı mäselelerdı sol salada jūmys jasap jatqan eŋbek adamdarymen talqylady.
«Bız auyl şaruaşylyǧy önımderın şyǧaratyn käsıporyndarǧa jiı baramyz jäne olardyŋ aitqan mäselelerın joǧary jaqqa jetkızıp, şeşu joldaryn qarastyramyz. Jalpy elımız boiynşa 270-ke juyq osyndai käsıporyn bar. Būlardyŋ barlyǧynyŋ quaty jylyna 11-12 million tonna dändı daqyldardy qaita öŋdei alady. Ökınıştısı sol, osy käsıporyndar 2019 jyly tek 5 million dändı daqyl öŋdegen. Körsetkıştı köteru üşın memlekettık saiasatty özgertuımız kerek» dedı T.Raqymbekov.
«Aian» diırmendı-makaron kombinatynyŋ kommersiialyq direktory Anna Kimnıŋ aituynşa, bügıngı künı kombinat tolyq sikldy jūmys jasaidy. Iаǧni bidai ösırıp, ūn jäne ūn önımderın şyǧarady. Bügıngı künı diırmen täulıgıne 200 tonna bidai öŋdeidı. «Bızdıŋ önımderımız elımızdıŋ ışkı naryǧyna jäne Özbekstan, Qyrǧyzstan, Auǧanstan elderıne jetkızıledı. Onyŋ ışınde jalpy ūnnyŋ 50 paiyzy ışkı naryqqa jöneltıledı.
Töleutai Raqymbekov 2007-2009 jyldary Qazaqstan ūn eksportynan dünie jüzınde bırınşı orynǧa şyqqanyn, bıraq soŋǧy jyldary būl körsetkış tömendegenın aitty. «Mysaly, Täjıkstan özınıŋ ūnǧa degen sūranysynyŋ 95 paiyzyn bızdıŋ ūnmen jabatyn. Al qazır olai emes. Statistikaǧa süiensek, byltyr Özbekstan men Täjıkstanǧa 700 myŋ tonna ǧana ūn jetkızgen ekenbız, bidaiǧa eseptegende 1 million tonna, al bidai retınde 3,5 million tonna şyǧaryppyz» dedı ol.