– Būl jolǧy Joldaudyŋ män-maŋyzy men mazmūny airyqşa boldy. Būryn «nege memlekettık tılde söilemeidı?» degen şaǧymdar köp bolatyn. Baiqasaŋyz, osy joly bızdıŋ Prezident ekı tılde bırdei söiledı.
Sondai-aq Memleket basşysy qoǧam ömırınıŋ barlyq baǧytyna toqtala kele, Parlament pen Ükımettıŋ qoǧam aldyndaǧy rölıne jäne mındetıne qatysty jaŋa qaǧidattyŋ basşylyqqa alynatynyn jetkızdı. Būl – öte maŋyzdy mäsele.
«Parlamenttıŋ tömengı palatasy bıreulerge jasandy preferensiia bermei, eldıŋ bükıl elektoraldy landşaftyn körsetuı tiıs. Osylaişa Mäjılıstegı Qazaqstan halqy assambleiasynyŋ kvotasyn qysqartamyz. Menıŋşe, būl saiasi da, zaŋdy da tūrǧydan dūrys. Būl kvota Senatqa berıledı jäne 9-dan 5 deputatqa deiın qysqarady. Soǧan orai, Mäjılıstegı deputattyq orynnyŋ jalpy sany qysqarady» dedı Prezident.
Ünemı äleumettık mäselelermen ainalysatyndyqtan, soŋǧy uaqytta balalar men äielderge qatysty tūrmystyq zorlyq-zombylyqty küşeituge, qataituǧa qatysty Memleket basşysynyŋ naqty tapsyrmalar bergenın erekşe atap ötkım keledı.
«Bügınde azamattar men qoǧam belsendılerı äielder men balalarǧa qatysty zorlyq-zombylyq üşın jazany qataŋdatu qajettıgın jiı köterıp jür. Men osyndai qūqyq būzuşylyqtardy kriminalizasiialaudyŋ oryndylyǧyn anyqtauǧa nūsqau bergen bolatynmyn. Bas prokuraturaǧa osy mäselenı jan-jaqty zerdelep, şeşudı tapsyramyn» dedı Q.Toqaev.
Ūlttyq qūryltai atauy qandai ädemı! Şynynda da, özımızdıŋ dästürımızdı därıpteitın ejelden kele jatqan keremet söz, maǧynasy tereŋ, öte zor, iaǧni basqaşa aitqanda, barlyq qoǧamdyq keŋesterdıŋ ortalyq organyn qūru maǧan erekşe ūnady. Sebebı būl är adamnyŋ boiynda patriotizm sezımın oiatady. Prezident aitqandai, oǧan şynymen de halyq arasynda bedelı bar adamdar kıruı kerek.
Äsırese, oblys ataularynyŋ qazaqşalanuy maǧan qatty ūnady. Būl anyq, halyqtyŋ jüregınen şyqqan şynaiy şeşım boldy. Mäselen, Abai oblysy. Qūlaqqa qanşalyqty jyly estıledı deseŋızşı! Jalpy men semeilıkterge ülken qūrmetpen qaraimyn. Öitkenı ūly Abaidyŋ jerınde ösken adamdardyŋ bolmysy bölek. Sondyqtan qai jaǧynan, ekonomikalyq nemese geosaiasi tūrǧydan alsaq ta, Abai oblysyn qūru öte dūrys boldy.
Ūlytau oblysyna kelsek, öz basym Jezqazǧan oblysynda tuyp-ösıp, sol jerde mektep bıtırdım. Bır kezderı ekonomikalyq tūrǧydan dürkırep tūrǧan, tau-ken önerkäsıbı erekşe damyǧan aimaq qoi būl. Jäiremdegı tau-ken kombinaty küllı respublikaǧa tanymal bolatyn. Endı sol oblystyŋ atauy qaita qaitaryluy, ärine, tūrǧyndar üşın zor märtebe dep bılemın.
Jetısu oblysynyŋ Qapşaǧai qalasyna halqyna qaltqysyz qyzmet etken D.Qonaevtyŋ esımın beru de köptıŋ kökeiındegını döp tapqan maŋyzdy ärı dūrys şeşım boldy.
Ülken saiasi özgerısterdı bastan keşırıp jatqan qazırgıdei kezde Memleket basşysynyŋ şeşımderın, sonyŋ ışınde prezidenttık bilıkke qatysty pıkırdı qoldaimyn. Rasynda da, jergılıktı jerlerdegı äkımder siiaqty Prezident te partiiadan bos boluy kerek. Būl turaly būryn köp söz bolǧanmen, ony mūndai deŋgeide aituǧa eşkımnıŋ batyly jetpegen edı.
Sonymen bırge Memleket basşysy Q.Toqaev barlyq azamattar üşın mümkındıkter teŋdıgınıŋ myzǧymas kepılı boluǧa tiıs ekenın eskerte otyryp, Prezidenttıŋ jaqyn tuystary üşın kvazimemlekettık sektordaǧy saiasi memlekettık qyzmetşıler men basşylar lauazymdaryna ornalasuǧa zaŋnamalyq tyiym engızıletının atap öttı. Söz joq, būl şeşımdı de qūptaimyn.
Qaraqat ÄBDEN, «Qazaq qyzy» QB äielder mädeni-
adamgerşılık tärbie institutynyŋ qūryltaişysy:
