«Sport – densaulyq kepılı, sport – el namysy» qaǧidasy bükıl älemge ortaq ūǧym. Bügıngı taŋda sport salasy industriiaǧa ainalǧan dese bolady.
Tört jylda bır ret ötetın Olimpiada oiyndary tek qana sporttyq bäseke bolyp qalmai, eldık jäne ūlttyq märtebenı aiqyndaityn körsetkışke de ainalyp otyrǧanyn joqqa şyǧara almaimyz. Sondyqtan da Olimpiada oiyndary men älem chempiondary atanǧan sportşylar tuǧan elınıŋ batyryna balanyp, ūltynyŋ maqtanyşy bolyp otyr.
Ötken jeksenbıde elımızde sport künı atalyp ötıldı. Ärine, biylǧy sport merekesınde jyldaǧydai jarystar men būqaralyq şaralar ūiymdastyrylǧan joq. COVID-19 jaǧdaiyna bailanysty engızılgen karantin şaralary barlyq deŋgeidegı jarystardy şekteuge, tıpten jattyǧular ötkızuge de mümkındık bermedı. Degenmen, sport ūiymdary men jekelegen sportşylar onlain şaralar ötkızıp, jūrtşylyqtyŋ dene şynyqtyruyna, qaşyqtan saiysqa tüsuıne yqpal jasady.
Al bügınde karantin şaralary bırtındep jeŋıldetılıp, ülken sportpen qatar balalar men jasöspırımderdıŋ jattyǧulary da jandana bastady. Karantinge bailanysty toqtatylǧan futbol chempionaty da qaita jalǧasty.
Janküierler üşın de biylǧy jyl sätsız bolǧandai. Olai deitınımız, tört jyl kütken Olimpiada oiyndary men futboldan Europa chempionaty kelesı jylǧa auystyryldy. Būl özgerıster qanşama sportşylardyŋ ümıtın suytyp, jüikesın jūqartqany sözsız.
Bız bügın keşegı ötken sport künıne orai Qazaqstan sportynyŋ abyroiyn kötergen sportşylarymyz jaiynda eske alǧandy jön kördık. Būl rette aldymen taiauda ömırden ketken ataqty sportşymyz, Olimpiada oiyndary men älem chempiony, Qazaqstannyŋ Eŋbek Erı atanǧan Jaqsylyq Üşkempırov esımın ystyq yqylaspen eske tüsıremız. Keŋes odaǧy kezınde-aq Qazaqstan sportynyŋ abyroiyn köterıp, tamaşa jeŋısterımen halqynyŋ maqtanyşyna ainalǧan Ämin Tūiaqov, Şämıl Serıkov, Serık Qonaqbaev, Anatolii Bykov, Riazansev, Nelli Kim, Viktor Tihonenko, Anatolii Hrapatyi, Däulet Tūrlyhanov syndy saŋlaqtar täuelsız Qazaqstan namysyn qorǧaityn jastarǧa jarqyn jol körsetıp berdı dese bolady. Al elımız egemendık alǧannan bergı 
Olimpiada oiyndary men älem bırınşılıkterınde de jeŋısten kende qalmadyq. 1994 jyldan bastap kök bairaǧymyzdy älem aspanynda jelbıretken sportşylarymyz jazǧy oiyndardan 19 altyn, 22 kümıs, 28 qola medal jeŋıp alsa, qysqy sporttan 1 altyn, 3 kümıs, 4 qola jüldege ie bolǧan eken. Törtkül dünienıŋ üzdıkterı baq synaǧan bairaqty bäsekede Bekzat Sattarhanov, Ermahan Ybyraiymov, Vladimir Smirnov, Vasilii Jirov, Olga Şişigina, Iýrii Melnichenko, Baqtiiar Artaev, Aleksandr Vinokurov, Baqyt Särsekbaev, Olga Rypakova, Serık Säpiev, Dmitrii Balandin, Daniiar Eleusınov jäne basqa da saiypqyrandarymyz öz jeŋısterımen Qazaqstan halqyn quanyşqa bölegenı sözsız.
Bügıngı taŋda Qazaqstan halyqaralyq sport arenasyna ainalyp otyrǧany da aiqyn. Soŋǧy jyldary elımızde köptegen sport infraqūrylymdyry boi köterıp, bırneşe sport türınen älem chempionattary, Olimpiada oiyndaryna ırıkteu turnirlerı, sonymen qatar Aziia oiyndary öttı. 
«Astana» futbol jäne velo komandalary, «Barys» hokkei kluby halyqaralyq märtebelı jarystarda öner körsetıp, eldık mereiımızdı köterıp jür.
Qazaqtan sportynyŋ osyndai jeŋıstı joly keleşekke qol sozǧan jas saiypqyrandarǧa önege de, senım de beretınıne ükılı ümıtpen qaraimyz.
