Jaŋadan taǧaiyndalǧan Mädeniet jäne sport ministrı Däuren Abaev elordadaǧy bırqatar sport nysandarymen tanysty.
Ministr Q.Mūŋaitpasov atyndaǧy Olimpiadalyq rezervtegı mamandandyrylǧan respublikalyq mektep-internat-kolledjıne, «Nūr-Sūltan qalasy Olimpiadalyq daiarlau ortalyǧy» köpfunksionaldy sport keşenınıŋ bazasynda aşylǧan Ūlttyq sport universitetıne, sondai-aq «Qazaqstan» jeŋılatletikalyq sport keşenıne bardy.
Mädeniet jäne sport ministrınıŋ orynbasary Serık Jarasbaev pen atalmyş ministrlıktıŋ Sport jäne dene şynyqtyru ısterı komitetınıŋ töraǧasy Samat Erǧaliev sport keşenderınıŋ jūmysymen tanystyryp, aldaǧy josparlarmen bölıstı.
Sporttyq nysandardy aralau barysynda Nūr-Sūltan qalasyndaǧy joǧary jetıstıkter sporty jäne dene şynyqtyru men būqaralyq sportty damytu perspektivalary talqylandy.
Däuren Abaev sporttyq infraqūrylymdy damytyp, balalar men jasöspırımderdıŋ sapaly daiyndyq jūmystaryna erekşe män beru kerektıgın aitty. Sport infraqūrylymynyŋ qoljetımdılıgı men inkliuzivtılıgıne erekşe nazar audara otyryp, damytu qajettıgın, nysandardy kadrlyq jäne materialdyq-tehnikalyq jabdyqtau mäselelerın baqylauda ūstau maŋyzdylyǧyn atap öttı.
Baian Asylbekova
