Elordalyq Säulet, qala qūrylysy jäne jer qatynastary basqarmasynda «Qazaqstan» sport saraiynyŋ eskizderı körsetıldı, onda nysandy jaŋǧyrtu boiynşa auqymdy jūmystar jürgızılıp jatyr.
Jaŋǧyrtu jobasy aiasynda mobildı jabynnyŋ kömegımen sahnaǧa transformasiialau mümkındıgı bar hokkei alaŋy qarastyrylǧan. Alaŋnyŋ ainalasynda 6000 körermenge arnalǧan tribunalar jobalanǧan. Jürgızılıp jatqan jöndeu jūmystarynyŋ esebınen halyqtyŋ jürıp-tūruy şekteulı toptaryna arnalǧan mınbelerdegı oryndar sany ūlǧaiuda.
Hokkei alaŋynan basqa, jüzu boiynşa oqu-jattyǧu sabaqtaryn, onyŋ ışınde balalarǧa arnalǧan, akvaaerobika, su dobyn ötkızu üşın respublikalyq jäne halyqaralyq deŋgeidegı jarystardy, sauyqtyru jüzuın ötkızu üşın basseinder jaŋǧyrtylady. Būl rette tribuna 1260 adamǧa eseptelgen.
Mūndaǧy 50h25 m basseinnıŋ ötkızu qabıletı – 120 adam; kölemı 12,5 h 6 m basseinde 10 adamǧa eseptelgen.
Sonymen qatar, bırınşı jäne ekınşı qabattardaǧy jattyǧu zaldarynda, töreşılerge arnalǧan jäne tehnikalyq bölmelerde tübegeilı özgerıster qarastyrylǧan. Ekınşı qabatta körermenderge arnalǧan garderobtar men tamaqtanu oryndary bar zaldar josparlanǧan.
«Elordada sporttyŋ damuyna ülken köŋıl bölınude. Nūr-Sūltan qalasynyŋ ärbır audanynda dene şynyqtyru-sauyqtyru keşenderı salynuda, olardyŋ 4-euı – bızde. Sondai-aq Q.Mūŋaitpasov atyndaǧy ortalyq stadion ornynda jaŋa sport keşenınıŋ qūrylysy josparlanuda. Jaqynda zamanaui tennis ortalyǧy da salynady» dedı Nūr-Sūltan qalasynyŋ Säulet, qala qūrylysy jäne jer qatynastary basqarmasynyŋ basşysy Nūrlan Ūranhaev.
Qūrylys jūmystarynyŋ bastaluy 2022 jyldyŋ basyna, al aiaqtaluy 2024 jylǧa josparlanǧan.
