İnterviuerler, erıktıler elordalyq sauda oiyn-sauyq ortalyqtary men bazarlarda ūlttyq halyq sanaǧy turaly tüsındıru jūmystaryn jürgızdı. Olar «Han Şatyr» SOO janyndaǧy alaŋda järmeŋkege keluşılermen, sonymen qatar «Big Şanhai», «Artem», «Tūlpar», «Evraziia» syndy sauda-sattyq oryndarynyŋ keluşılerıne de sanaqtan onlain jäne oflain ötudıŋ jai-japsary tüsındırıldı.
Ūlttyq statistika biurosynyŋ Nūr-Sūltan qalalyq departamentınıŋ qyzmetkerlerı, interviuerler, erıktıler bukletter taratyp, sūraqtarǧa jauap berdı. Tūrǧyndarǧa halyq sanaǧynan resmi sait arqyly ötudıŋ joldaryn körsettı.
«Halyq sanaǧy qajettı jūmys oryndaryn qūru, eŋbek resurstaryna taldau jasau, balabaqşalarda, äleumettık mekemelerde oryndar qūru jäne memlekettık baǧdarlamalardy äzırleu üşın elımızdıŋ demografiialyq körınısın köruge mümkındık beredı. Bügıngı taŋda elordanyŋ 600 myŋnan astam tūrǧyny halyq sanaǧynan öttı» dedı qalalyq statistika departamentınıŋ bas mamany Aibek Qaliev.
Būǧan deiın elordalyqty Qazaqstan halqy Assambleiasy men ükımettık emes ūiymdardyŋ ökılderı qala tūrǧyndaryn sanaqqa belsene atsalysuǧa şaqyrǧan edı. 30 qazanǧa deiın sanaqtan onlain ötpegenderdıŋ üilerın 1,5 myŋǧa juyq interviuer-sanauşy aralap şyǧady. Halyq sanaǧyn onlain ötkızu mümkındıgı toqtatylǧannan keiın ony qaita ıske qosu boiynşa ötınışterdıŋ köptep tüstı. Nätijesınde sanaq.gov.kz saityndaǧy onlain-saualnama funksiiasy qaita qoljetımdı boldy.
