Keşe Nūr-Sūltan qalalyq mäslihat deputattyǧyna ümıtkerler, «Nūr Otan» partiiasynyŋ müşelerı Vladislav Sergeev, Azamat Aithojin jäne Erlan Däkenov Qazaqstan futbol federasiiasy Zoom platformasynda ūiymdastyrǧan kezdesuge qatysyp, partiianyŋ baǧdarlamasyn tanystyryp, elımızdegı jäne elordamyzdaǧy futbol mäselesın talqylap, būqaralyq sportty damytu boiynşa oilarymen bölıstı.
Kezdesuge qatysuşylar aldynda aldymen Vladislav Sergeev söilep, Qazaqstan futbol federasiiasy «Nūr Otan» partiiasymen ünemı qarym-qatynas ūstap, elımızde, sonymen qatar bas qalada futboldy būqaralyq sport retınde damytuǧa ülken üles qosyp kele jatqanyn atap öttı.
Qazaqstan futbol federasiiasynyŋ Bas hatşysy Azamat Aithojinge platforma jelısı boiynşa bırneşe adam sūraq qoidy.
– Biyl pandemiia jaǧdaiyna bailanysty barlyq salada özgerıster bolyp jatqanyn bılesızder. Bıraq federasiia tarapynan el chempionatyn basqa formada ötkızu turaly şeşım qabyldanyp, barlyq deŋgeidegı jarystar ötkızıldı. Al balalar men jastar futbolyna keler bolsaq, qazırgı kezde tek qana käsıbi futbol ortalyqtary ǧana emes, sonymen qatar jeke futbol mektepterınıŋ jūmysyna da köŋıl bölıp otyrmyz. Öitkenı futbol özınıŋ maŋyzdylyǧyna qarai naǧyz būqaralyq sport bolyp sanalady. Bügıngı taŋda elımızdıŋ bırneşe aimaqtarynda «Futbol sabaǧy» ötkızıledı. Būl joba ärı qarai ūlǧaiyp jalǧasatyn bolady. Qazır Nūr-Sūltan qalasynda jürgızılıp jatqan ügıt-nasihat nauqany kezınde bırqatar sport nysandarynda bolyp, infraqūrylymdarmen tanysyp, osy baǧyttaǧy mäselelerge erekşe män berıp otyrmyz. Qalanyŋ barlyq audandarynda köpşılık üşın, onyŋ ışınde balalar men jasöspırımderge qoljetımdı sport nysandarynyŋ bolǧanyn qalaitynymyzdy aitqymyz keledı, – dedı Azamat Aithojin.
Nūr-Sūltan qalasy memlekettık akademiialyq filarmoniiasynyŋ direktory Erlan Däkenov kezdesuge qatysuşylarǧa «Nūr Otan» partiiasynyŋ sailaualdy baǧdarlamasynda mädeniet jäne sport boiynşa aiqyndalǧan mındetter men josparlar jaiynda aityp berdı.
Nūr-Sūltan qalasyndaǧy Nur Otan partiiasy sailau qorynyŋ qarajatynan tölendı.