Bas qaladaǧy D.Qonaev atyndaǧy universitet kolledjınıŋ ūjymy el Prezidentı N.Nazarbaevtyŋ «Qazaqstan joly-2050: bır maqsat, bır müdde, bır bolaşaq» Joldauyn keŋınen talqylady.
Şaraǧa bılım ordasynyŋ ūstazdary men studentterı qatysyp, pıkır bıldırdı. Aldymen söz alǧan atalmyş oqu ornynyŋ Bas direktory Seiılhan Tolqymbekov Memleket basşysynyŋ özı aitqandai, biylǧy Joldaudyŋ basty erekşelıgı 30 damyǧan eldıŋ qataryna enu joldary osy qūjatta qamtylyp, baǧyttary aiqyndalyp otyrǧanyn jetkızdı.
«Jyl saiynǧy Qazaqstan halqyna arnalǧan Joldaularynda Elbasy Nūrsūltan Äbışūly qoǧamdaǧy özektı mäselelerge, äsırese, bılım jäne ǧylym salasyndaǧy jaŋǧyrtularǧa köbırek köŋıl bölıp keledı. Strategiia – künnen künge, jyldan jylǧa elımızdı, qazaqstandyqtardyŋ ömırın jarqyn ete tüsetın naqty praktikalyq ıster baǧdarlamasy. Degenmen, qazırgıdei naryqtyq jaǧdaida ärkım auyz aşyp, aspannan näpaqa kütpei, tiımdı eŋbektenuge tiıs. Osyny, äsırese jastar jaǧy dūrys tüsınulerı kerek» dei kele, S.Tolqymbekov būl rette memleket ülken mümkındıkter jasap otyrǧanyn, tek ony tiımdı paidalanu qajettıgın eskerttı.
Joldauda aitylǧan mäseleler boiynşa kolledj mūǧalımderı baiandama jasady. Onda Elbasy Joldauyndaǧy basym baǧyttar, damyǧan 30 eldıŋ qataryna qosyludyŋ joldary, «Mäŋgılık El» ideiasy turaly basa aityldy.
Studentter de qalys qalmady. Mınberge şyǧyp söilegen jastar ısı jönındegı komitettıŋ prezidentı Bibınūr Kameşova biylǧy Joldau bızdıŋ bolaşaǧymyzǧa arnalyp otyrǧanyn, alaida, oǧan bei-jai qarauǧa bolmaitynyn, bolaşaqtyŋ ırgesı bügınnen qalanatynyn eskere otyryp, būl baǧytta barlyǧymyz bırge, jūmyla jūmys ısteuımız kerektıgın alǧa tartty. «Eldıŋ bolaşaǧy jarqyn boluy bızge bailanysty. Bız qoǧamda bolyp jatqan qūbylystarǧa nemqūraily qarai almaimyz. Endeşe, elımızdegı barlyq jastardy belsendılık tanytuǧa şaqyramyn. Öitkenı, bılım qai kezde de joǧary qūndylyqtardyŋ bırı bolyp qala beredı. Demek, bılımdı, sauatty adam ǧana keleşek tızgının qolyna ala alady» dedı ol.
Baiandamadan soŋ ūstazdar Joldauda qarastyrylǧan basymdyqtarǧa jeke-jeke toqtalyp, öz oilaryn ortaǧa saldy. Al, student jastar bolsa jaŋa strategiianyŋ jaŋa bastamalarǧa jol bastaitynyna zor senım bıldırdı.
Nailia TAQANOVA,
Qazaqstan Jurnalister odaǧynyŋ müşesı
