Jastarǧa qoldau körsetedı
Jūmyssyz adamnyŋ ekı qolǧa bır kürek ızdep, jūmysqa ornalasuǧa ümıttenıp baratyn jerı – Nūr-Sūltan qalalyq jūmyspen qamtu ortalyǧy. Jyl basynan berı mūnda 17 myŋnan asa azamat kelıp, jūmysqa ornalastyru jönınde ötınış bıldırdı.
Bügıngı taŋda ortalyqta 4 myŋnan asa adam jūmyssyz retınde tırkeude tūr. Bır quanarlyǧy, jyl basynan berı osy ortalyqqa jügıngen 7200 adam tūraqty türde jūmyspen qamtylypty. Al üş myŋǧa juyǧy qazırdıŋ özınde jūmyspen qamtu belsendı ıs-şaralarymen ainalysyp jür.
– Bızge, äsırese, jastar köp keledı. Sondyqtan osy ortalyqta jüzege asyrylǧan jastar täjıribesı men qoǧamdyq jūmystardyŋ alatyn orny erekşe. Sol arqyly bügıngı taŋda myŋdaǧan jas jıgıtter men qyzdar kündelıktı näpaqalaryn tauyp jür, – deidı Halyqty jūmyspen qamtu ortalyǧy jūmysqa ornalastyruǧa järdemdesu bölımınıŋ basşysy Baǧila Orymbetova.