Erteŋ Astanada qaladaǧy joǧary oqu oryndary studentterı arasynda Universiada ötedı. Mädeniet jäne sport basqarmasy Jastar jyly aiasynda ūiymdastyratyn jarys būqaralyq sportty damytuǧa baǧyttalady.
S.Seifullin atyndaǧy qazaq agrotehnikalyq universitetı, L.Gumilev atyndaǧy Euraziia ūlttyq universitetı, Astana medisinalyq universitetı, Qazaq tehnologiia jäne biznes universitetı, Qazaq ekonomika, qarjy jäne halyqaralyq sauda universitetı, Euraziialyq gumanitarlyq institut, Qazaq gumanitarlyq zaŋ universitetı, Tūran universitetı, Qazaq ūlttyq öner universitetı, Nazarbaev Universitetı, Astana universitetı, M.Lomonosov atyndaǧy MMU-dıŋ qazaqstandyq filialy jäne Qarjy akademiiasy studentterı qatysatyn şara eŋ üzdık JOO komandasyn anyqtaidy.
Universiadaǧa qatysuşylar voleibol (erler men qyzdar), toǧyzqūmalaq, şahmat, şaŋǧy jarysy, qysqy prezidenttık köpsaiys, jazǧy prezidenttık köpsaiys, asyq atu, şort-trek, şaǧyn futbol (ūldar men qyzdar), gir köteru sporty, qazaq küresı, armrestling, jeŋıl atlettık estafeta, stritbol (ūldar men qyzdar) jäne üstel tennisı sporttarynda şeberlık baiqasady.
Aldaǧy jarystarǧa Astana qalasynyŋ joǧary oqu oryndarynyŋ sporttyq daiyndyǧy bar jäne medisinalyq tekseruden ötken qūrama komandalary (studentter men magistranttar) jıberıledı. Universiadanyŋ qorytyndysy boiynşa jeŋımpazdar men jüldegerler diplomdarmen, kuboktarmen jäne syilyqtarmen marapattalady. Komandalyq sport türlerınen (stritbol, voleibol, şaǧyn futbol) oiynşylar «Üzdık oiynşy», «Üzdık qorǧauşy» jäne «Üzdık şabuylşy» siiaqty üş nominasiia boiynşa baǧaly syilyqtarǧa ie bolady. Būǧan qosa, eŋ talantty jas sportşylar respublikalyq jarystarǧa qatysu üşın elordalyq qūrama komandaǧa qabyldanuy mümkın.
