Täulık boiy qoljetımdı
Juyrda «Nūr Otan» partiiasynyŋ ǧimaratynda halyqty jūmyspen qamtu jäne äleumettıŋ älsız toptaryn qoldau jönındegı komissiianyŋ otyrysy öttı.
Elordadaǧy 20 jyldaǧy medisinalyq-äleumettık kömektıŋ damuyna arnalǧan basqosuda atqarylǧan ıs-şaralarǧa qorytyndy jasaldy.
Otyrysty aşyp, söz söilegen Mäjılıs deputaty Aigül Nūrkina elımızde äleumettıŋ älsız toptaryn qorǧauǧa erekşe köŋıl bölınetının atap öttı.
Densaulyq saqtau ministrlıgınıŋ Medisinalyq kömektı ūiymdastyru departamentınıŋ direktory Laura Ahmetniiazovanyŋ aituynşa, Qazaqstanda 151 medisinalyq sauyqtyru mekemesı bar. 2018 jyly medisinalyq sauyqtyru şaralaryna 3967 mln teŋge bölu qarastyrylǧan.
Qalalyq Jūmyspen qamtu jäne äleumettık qorǧau basqarmasynyŋ basşysy Ermek Ospanov elordadaǧy därıgerlık-äleumettık kömektıŋ damuynyŋ jaŋa deŋgeige köterılgenın mysalǧa keltırdı. «Äleumettık qorǧau salasyndaǧy ülken jetıstıktıŋ bırı – bas qalada arnaiy äleumettık qyzmetterdı kündelıktı jäne täulık boiy körsetetın subektıler jelısınıŋ qūryluy. Bızdıŋ basqarmaǧa qarasty mekemelerdıŋ barlyǧy kez kelgen sanattaǧy mügedekterge qoljetımdı» dedı Ermek Sabyrbekūly.
Atalǧan basqosuda meiırbikelerdıŋ jalaqysyn ösıru jönınde de ūsynystar aityldy.