«Jastardyŋ tūraqty jäne äleumettık damu qory» qoǧamdyq bırlestıgı Nūr-Sūltan qalasy Qoǧamdyq damu ısterı basqarmasynyŋ tapsyrysymen «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» taqyrybynda dialog alaŋyn ötkızdı.
Būl basqosuda köpbalaly analarǧa qatysty söz qozǧalyp, qoǧamdyq ūiymdar arqyly äleumettık jaǧynan osal toptarǧa jatatyn azamattarǧa järdem körsetu jaiy talqylandy. Nūr-Sūltan qalasy mäslihatynyŋ deputaty Qaraqat Abden jinalǧan qauym aldynda Prezident Joldauyndaǧy «Halyq ünıne qūlaq asatyn memleket» taqyrybyn qozǧap, deputattar ärdaiym dialogqa daiyn ekenın jetkızdı. «Şeberler Aliansy» bastamaşyl tobynyŋ töraǧasy, «Bereke – Astana» qoǧamdyq ūiymnyŋ direktory Rauza Balmaǧambetova Memleket basşysy Q.Toqaevtyŋ biylǧy Joldauynda aiqyndalǧan äleumettık mäselelerdı şeşuge baǧyttalǧan şaralar turaly baiandap berıp, öz tarapynan qol-şeberler ortalyǧynda tegın şeber-klastar ötkızıletının jäne orta jäne kışı käsıpkerlerge kömek retındegı «Bastau» baǧdarlamasynyŋ mümkındıkterı jaily oiymen bölıstı. Al «Nasledie» qoǧamdyq bırlestıgınıŋ direktory Marjan Abdullina köpbalaly ana retınde memleketten qandai kömek berıletının jäne ony qalai aluǧa bolatynyn öz täjıribesımen bailanystyryp aityp berdı.
Dialog alaŋynda sondai-aq qala äkımdıgınıŋ dın problemalaryn zertteu ortalyǧynyŋ basşysy Japal Doliev, Aqparattyq tüsındıru, oŋaltu jäne beiımdeu bölımınıŋ basşysy Gülmira Serıkbaeva jäne «Jas ūlan» bıryŋǧai balalar men jasöspırımder ūiymy RQB jobalar menedjerı Aida İshanova da äleumettık jaǧynan qamqorlyqqa mūqtaj azamattarǧa qajettı aqparattarmen bölıstı.
Säule BEISENBEKOVA
