Memleket basşysy Qasym-Jomart Toqaev biylǧy küzde ötken Nūr-Sūltan qalasyn odan ärı damytu jönındegı keŋeste şahardyŋ densaulyq saqtau salasyndaǧy ekı tüitkıldı jedel şeşudı tapsyrdy. Onyŋ bırınşısı därı-därmek aluǧa qatysty kreditorlyq qaryzdy öteu bolsa, ekınşısı Ortalyq temırjol auruhanasy men onyŋ korpustarynyŋ apattyq jaǧdaiyna bailanysty boldy. Keşe qalalyq mäslihatta «Deputat künı» aiasynda esep bergen Qoǧamdyq densaulyq saqtau basqarmasynyŋ basşysy Säule Qisyqova būl mäseleler şeşılgenın jetkızdı.
Tarqata aitqanda, qalalyq onkologiia ortalyǧy 2013-2016 jyldary merzımı üşın «SK Farmasiia» JŞS-ıne 1,3 mlrd teŋge bereşek bolyp qalǧan. Biylǧy 10 jeltoqsan künı qalalyq Qoǧamdyq densaulyq saqtau basqarmasy respublikalyq biudjet esebınen būl qaryzdy tolyǧymen japty.
Al Ortalyq temırjol auruhanasy 2018 jyldyŋ 14 mamyrynda ǧana respublikalyq menşıkten qala äkımdıgınıŋ balansyna berılgen. 30 jeltoqsan künı onyŋ ekı klinikalyq korpusynda jöndeu jūmystary aiaqtalady. Būl jūmystarǧa jergılıktı biudjetten 230 mln teŋge bölıngen. Mūnda täulık boiy emdeluge arnalǧan 225 tösek oryn jäne kündızgı em alu üşın Jeŋıs daŋǧyly, 58 mekenjaiynda 50 tösek oryn ornalastyrylady.
Jeŋıs daŋǧyly, 81 mekenjaiyndaǧy korpusta jöndeu jūmystary aiaqtalyp kele jatyr. Mūnda auysymyna 250 keluşıge arnalǧan emhana köşırıledı. Kündızgı emdeluge nysanda 25 kereuet ornalastyrylady. Apatty dep tanylǧan üş korpus kelesı jyldyŋ 1 qaŋtarynan bastap jabylady.
Jalpy Nūr-Sūltan qalasy äkımdıgı ekı jyl ışınde atalmyş auruhanaǧa medisinalyq qūral-jabdyqtar men tehnikany satyp aluǧa 1,2 mlrd teŋge bölgen: 2018 jyly – 677 mln teŋge, 2019 jyly – 473 mln teŋge.
Ortalyq temırjol auruhanasy Saryarqa audanynyŋ 400 myŋ tūrǧynyna qyzmet körsetudı jalǧastyra beredı. Būl auruhanaǧa tüsetın jüktemenı azaitu maqsatynda 30 kereuetke arnalǧan insult ortalyǧyn aşu turaly şeşım şyqty. Nauqastar osynda emdelıp bolǧan soŋ köpsalaly medisinalyq ortalyqta sauyqtyrylady.
