Futboldan Qazaqstan chempionatynyŋ premer-ligasynda on ekınşı turdyŋ oiyndary öttı.
Turnir kestesın bastap kele jatqan «Astana» būl joly da jeŋıske jete almady. Kökşetauda jergılıktı «Oqjetpes» komandasymen oinaǧan elordalyqtar qarsylastarymen ūpai bölıstı. Bırınşı taimda Roman Mūrtazaev esep aşyp «astanalyqtardy» alǧa şyǧaryp edı, bıraq oiyn aiaqtalar tūsta kökşetaulyq Milan Stoianovich eseptı teŋestırıp kettı. Osy oiynda astanalyq Serıkjan Mujikov «qyzyl» qaǧaz alyp, alaŋnan quyldy.
Turnir kestesınde «Astana» bırınşı orynda tūrǧanymen, ekınşı orynda kele jatqan qostanailyq «Tobyl» köşbasşyǧa taqap qaldy. Aralaryn üş ūpai bölıp tūr. Al «Astana» komandasynyŋ basqa komandalarǧa qaraǧanda ekı oiyndy artyq ötkızıp qoiǧanyn eskersek, jaqyn arada turnir kestesınıŋ basyna qostanailyqtar şyǧuy äbden mümkın.
Kezektı turdyŋ basqa oiyndarynda mynadai nätijeler tırkeldı: «Taraz» – «Tobyl» 0:1, «Jetısu» – «Qaisar» 1:0, «Ertıs» – «Atyrau» 1:0, «Şahter» – «Qairat» 1:2, «Aqtöbe» – «Ordabasy» 0:3.
