TOILAP QANA QOIMAIMYZ…
Keşe Ortalyq kommunikasiialar qyzmetıne Astana qalasy ışkı saiasat basqarmasynyŋ jetekşısı Bolat Tılepov qatysyp, jurnalistermen kezdesu ötkızdı. Ol alda kele jatqan Astana künıne orai ūiymdastyrylatyn ıs-şaralar turaly keŋınen äŋgımelep, tosyn syilarǧa toly merekelık baǧdarlamalardyŋ tūrǧyndar üşın maŋyzy zor ekenın aitty.
«Bügınde Astana – jai ǧana elorda emes. Şyn mänınde, ol – täuelsız memleketımızge tän ūlttyq ideianyŋ eŋ basty tūǧyrlarynyŋ bırı. Sondyqtan, «Astana künı» degende bız elordanyŋ tarihi jolynan būryn bas qalanyŋ el damuyndaǧy orny men memleketımızdıŋ bırtūtas boluyndaǧy rölıne nazar audaruymyz kerek. Olai bolsa, elorda künın atap ötude ūiymdastyruşylar ūsynyp otyrǧan är ıs-şaranyŋ merekelık mazmūnynan basqa olardyŋ ideologiialyq maŋyzy qūndy bolmaq» dedı Bolat Anapiiaūly.
Sonymen qatar, ol Astana künınde jylda el köŋılınen şyǧyp jürgen dästürlı ıs-şaralardan bölek, baǧyty jaŋa, mazmūny tyŋ merekelık bastamalardyŋ bar ekenın tılge tiek ettı. Basqarma jetekşısınıŋ aituynşa, Astananyŋ toiyna jalpy sany 70-ke juyq türlı şaralar josparlanyp otyr. Qala künıne orai «Aialaǧan Astana» respublikalyq televiziialyq balalar baiqauy, jyl saiynǧy teatr festivalı, «Mäŋgılık el» taqyrybyndaǧy respublikalyq müşaira jäne otandyq oryndauşylardyŋ qatysuymen ötetın «Astanaǧa tartu», «Än jüregım Astana!» konserttık baǧdarlamalary ūiymdastyrylady. «Qazaq elı» monumentı alaŋyndaǧy «Şuaqty qala» konsertı de köpşılık köŋılınen şyǧady dep kütılude. Bolat Tılepov osylardyŋ bärın tıze kele aspazdyq jäne taǧam festivalı, poeziia jäne kıtap merekesı siiaqty taǧy da basqa jastarǧa arnalǧan baǧdarlamalardyŋ bolatynyn aitty. Jiyn barysynda Bolat Tılepov «Merekelık şaralardyŋ aiasynda qala tūrǧyndarynyŋ erkın qydyruyna qolaily jaǧdai jasalady. Merekelık baǧdarlamalar ötetın barlyq alaŋda sauda-sattyq jäne qolöner būiymdarynyŋ körmesı ötedı. Ärine, mūnyŋ bärı merekelei kelgen körermenderge tamaşa köŋıl-küi syilau üşın jasalyp otyr. Desek te, Astana künın dumandatyp qana ötkızuge bolmaidy. Meiram aiasynda är adamnyŋ jaily ömır süruın qamtamasyz etu üşın tūrǧyn üi, aulaaralyq aumaq, kıreberıs joldaryn abattandyru siiaqty barlyq şaruaşylyq jūmystar jasalady» dep, äleumettık jaǧdailardyŋ şeşıluı de mereke qarsaŋynda tūrǧyndardyŋ quanyşyna sep bolady degen öz oiyn bıldırdı.
Nūrislam QŪSPANǦALİ