Jaqynda halyqty jūmyspen qamtu mäselelerı boiynşa qoldanystaǧy zaŋnamalyq aktılerıne özgerıster men tolyqtyrular engızıldı. Soǧan säikes mındettı äleumettık saqtandyru zaŋnamasy da özgerdı.
Elımızdıŋ äleumettık qorǧau jüiesı asyrauşysynan nemese jūmysynan aiyrylǧan, mügedektıgı men kärılıgıne bailanysty jūmys ıstei almaityn azamattarǧa qol ūşyn berıp, olardyŋ äl-auqatyn jaqsartuǧa baǧyttalǧan. Sonyŋ bır salasy – mındettı äleumettık saqtandyru.
Būl degenımız – azamattardyŋ tabys közınen aiyrylǧanda kırıstıŋ bır bölıgın öteu üşın memleket ūiymdastyratyn, baqylaityn jäne kepıldık beretın şaralardyŋ jiyntyǧy. Sol sebeptı mindetti äleumettik saqtandyru eŋbek etu qabiletinen, asyrauşysynan jäne jūmysynan aiyrylǧan jaǧdaida, jüktılıgıne jäne bosanuyna bailanysty tabysynan aiyrylǧan rette, sonymen bırge, jaŋa tuǧan säbidı asyrap aluyna bailanysty, bala bır jasqa tolǧanǧa deiın onyŋ kütımıne bailanysty tabyssyz otyrǧan jaǧdaida bölinedi.
– Üstımızdegı jyldyŋ säuır aiynan bastap, Eŋbek kodeksınıŋ 52-baby 1-tarmaǧynyŋ 1,2 jäne 3-tarmaqşalarymen közdelgen negızder boiynşa jūmystan şyqqan azamattar alty ai merzımge deiın äleumettık tölem aluǧa mümkındıgı bar. Iаǧni, jūmys beruşı-zaŋdy tūlǧa taratylǧanda nemese jūmys beruşı-jeke tūlǧanyŋ qyzmetı toqtatylǧanda, jūmyskerler sany nemese ştaty qysqartylyp, jūmys beruşınıŋ ekonomikalyq jai-küiınıŋ naşarlauyna äkep soqqanda eŋbek şartynyŋ būzyluy bolyp tabylady, –dedı Mındettı äleumettık saqtandyru qorynyŋ Astana qalasy boiynşa filialy direktory A.Qasenova.
Osy zaŋ aktısıne säikes, Halyqty jūmyspen qamtu ortalyǧy jūmyssyz azamattardy äleumettık jūmys oryndaryna, qoǧamdyq jūmystarǧa jäne käsıbi oqytuǧa jıbergende de räsımdelgen äleumettık tölemder toqtatylmaityn bolady.
Qarastyrylǧan äleumettık tölemdı toqtatu turaly şeşımdı Qor qabyldaidy jäne Memlekettık korporasiia arqyly sebebın körsete otyryp, aluşyny mındettı türde habardar etetın bolady.
