Elordalyq Sifrlandyru jäne memlekettık qyzmetter basqarmasynyŋ basşysy Botagöz Qasabek köşpelı keŋes barysynda qalalyq mäslihat deputattaryna qalany sifrlandyru boiynşa atqarylǧan jūmystar jäne 2021 jyly ıske asyrylǧan basqa da IT-jobalar turaly aitty. Aita ketu kerek, äleumettık salany avtomattandyru – qalany sifrlandyrudyŋ negızgı baǧyttarynyŋ bırı.
«Bügınde jūmyssyz azamattardy qysqa merzımdı oqytuǧa ötınımderdı beru jäne qarau prosesı avtomattandyryldy. Bıregei QR-kodtaryn skanerleu arqyly qyzmetkerdıŋ jūmys ornyna baruyn rastau jäne tırkeu qūraly äzırlendı» dep habarlady Botagöz Qasabek.
Qazırgı uaqytta Nūr-Sūltannyŋ barlyq bılım beru jäne densaulyq saqtau nysandary 100 paiyz beinebaqylau jüiesımen jabdyqtalǧan.
Elordalyq medisinalyq ūiymdarda därıgerler esıgıne QR-kody bar arnaiy taqtaişalar ornatyldy. №65 mektep pen №2 mekteptıŋ aialdamasynda ultrakülgın bakterisidtı şamnyŋ kömegımen bakteriialardy joiuǧa qabılettı auany avtomattandyrylǧan iondau qūraly ornatylǧan. Sonymen qatar jüiede tütın datchigı jäne beinebaqylau kameralary bar.
Biyl densaulyq jaǧdaiy boiynşa esepte tūrǧan tūlǧalarǧa arnalǧan QR-bılezıkterdı aprobasiialau ıske qosyldy. Qiyn jaǧdailarda Damumed jüiesınen pasient turaly tolyq aqparat şyǧatyn «Smart Astana» mobildı qosymşasy arqyly bılezıktegı QR-kodty skanerleu qajet. Sondai-aq skanerleu kezınde senımdı tūlǧaǧa geolokasiiany körsete otyryp, qiyn jaǧdai turaly sms-habarlama keledı. Atalǧan qanatqaqty joba №15 emhanada aprobasiiadan ötude, oǧan 140 QR-bılezık berıldı.
Biyl qyrküiek aiynda Oquşylar saraiynda Tanym kreativtı tehnologiialar ortalyǧy aşyldy. Onyŋ negızgı mındetı – sandyq tehnologiialarǧa, şyǧarmaşylyqqa jäne baǧdarlamalaudy üirenuge baǧdarlau.
«Qazırgı uaqytta Nūr-Sūltanda bailanys deŋgeiın arttyru üşın 12 antenna-dıŋgek tırekterı ornatyldy. Būl künderı «Qazaqtelekom» AQ-pen bırlesıp, üige symsyz internet FWA (Fixed Wireless Access) tehnologiiasyn alǧaş ret engızdı. Būl Damumed talşyqty-optikalyq bailanys jelılerımen jabylmaǧan jerlerde qoldanylatyn 4G negızındegı tehnologiia. Bazalyq stansalardy ornatu «Oŋtüstık-şyǧys» audanynda bastaldy. Nūr-Sūltan aumaǧynda FWA ornatu jūmystary jalǧasady» dep qosty spiker.
Sonymen qatar elordanyŋ innovasiialyq äleuetın damytu üşın biyl Birge ortaq ideialaryna arnalǧan platforma ıske qosyldy. Platforma tūrǧyndarǧa qala tırşılıgınıŋ barlyq baǧyttary boiynşa ideialar ūsynuǧa mümkındık beredı. Sifrlyq jobany birge-elorda.kz sıltemesı boiynşa ESQ kıltı arqyly paidalanuǧa bolady.
Sonymen qatar qataŋ sanitarlyq normalardy saqtai otyryp, IT-şaralar jüielı türde ötkızılıp tūrady. 2021 jyly respublikalyq STEM-olimpiada, Digital Bridge-de «Smart City» paneldık sessiiasy, IT-keŋestıŋ 4 kezdesuı ötkızıldı. Keŋes qūrylǧan sätten bastap barlyǧy 50-ge juyq IT-şeşım qaraldy.
Elordanyŋ sifrlyq qosarlanuy boiynşa Nūr-Sūltan qalasynyŋ geoaqparattyq ortalyǧyn qūru oryndaldy. Elordanyŋ kölemı 801 km2 jer uchaskesı 1 pikselge 3 sm-ge deiıngı däldıkpen sifrlandyryldy. Qalanyŋ relefı men relefınıŋ sifrlyq modelderı tolyǧymen salyndy, qūrylys bölıgınıŋ 100 paiyzy 2D jäne 3D modelderı salyndy. 16000 km astam injenerlık jelıler sifrlandyryldy. İnjenerlık-geodeziialyq jūmystardyŋ qorytyndylary boiynşa 144000-ǧa juyq magistraldyq jäne kvartalışılık jelıler qūdyǧy tüsırıldı. Sondai-aq jer qatynastary, säulet jäne qala qūrylysy bölıgınde ışkı prosester avtomattandyryldy.
Kezdesu soŋynda deputattar är joba boiynşa naqty sūraqtar qoidy. Sondai-aq pandemiia kezınde memlekettık qyzmetterdı avtomattandyrudyŋ jäne tūrǧyndardyŋ qauıpsızdıgın qamtamasyz etudıŋ maŋyzdylyǧyn atap öttı.
