Taiauda feisbuktegı dostarymnyŋ bırınıŋ paraqşasynan ūşaqtan tüsken boida jata qalyp jerdı süiıp jatqan bır aqsaqaldyŋ suretın közımız şaldy. Ainalasy – qaumalaǧan köpşılık. Bırı säjde qylǧandai jerdı süiıp jatqan aqsaqalǧa taŋyrqai qarasa, endı bıreuler köŋılı bosap, tebırenıp, älgı kısınıŋ boiyndaǧy sūrapyl sezımderge, qaitalanbas köŋıl-küiıne ortaqtasyp otyr.
Sūrastyra bılgenım, suret avtory – qyryq jyl boiy moinyna fotoapparatyn asynyp, el kezgen jurnalist Bolat Omaräliev eken. Ol atamekenıne aŋsap jetkende saǧynyşy tulap, kümıs saqaly mölt-mölt tamǧan köz jasyna şylanǧan jäne ön boiyn kernegen sol sezımın ırıkpei, tuǧan topyraǧyna säjde etken aqsaqaldyŋ qaitalanbas sätın, tılmen aityp jetkızgısız sūrapyl sezımderın bır kadrǧa syidyrǧan eken.
Avtormen tıldeskenımde: «1992 jyldan bastap şet eldegı qandastardyŋ alǧaşqy legı kele bastady. Qyzylorda jerıne de ülken ūşaqpen jüzden asa oralman keldı. Auǧanstannan. Men olardyŋ Otanymyzǧa aiaq basqandaǧy sezımın suretpen jetkızgım keldı. Sondaǧy Saǧynai Qarabazar degen aqsaqalǧa taiap: «Äkei, tuǧan jerdıŋ topyraǧy qalai eken?» dedım. Sol-aq eken, aqsaqal tıze bügıp jata qalyp, jerdı süie bastady. Men sasyp qaldym da, syrtyldatyp suretke tüsıre berdım» dedı Bolat aǧa.
Ol tūsta Bolat Omaräliev Qyzylorda oblystyq gazetınıŋ fototılşısı bolyp ısteidı eken. Surettegı kısılerdıŋ atajūrtqa oraluyna mūryndyq bolǧan otan,dasymyz – Pamir Kamalov degen azamat. Ol Auǧanstandaǧy eşqandai qūjaty joq qazaqtardy bır jerge jinap, bırneşe jük kölıgıne otyrǧyzyp, Türkiia jerıne ötkızıp, onda türıkterdıŋ kömegımen ūşaq jaldap Qazaqstanǧa alyp kelgen.
Būl suretke qarap, atamekenge aŋsap oraludyŋ qandai bolatynyn sezınesıŋ.
