Keşe Astana qalasy äkımınıŋ orynbasary Qanat Sūltanbekov bas qalaǧa qosylǧan tūrǧyn üi alaptaryndaǧy jol jöndeu jūmystarynyŋ jaiymen tanysty.
Elordanyŋ odan äri damuynda jol-kölik salasynyŋ alatyn orny erekşe ekenı belgılı. Būl rette soŋǧy jyldary qalada jol salu jäne jöndeu jūmystary qyzu qarqynmen jürgızılıp jatyr.
– Bügingi künde şaǧyn kölik ainalmasynyŋ qūrylysy jürgizilude. Äsırese, qalanyŋ jol-kölik salasyn damytuda, sondai-aq injenerlik infraqūrylymdar mäselelerin şeşude elordadan tysqary ornalasqan, qalaǧa qosylyp ketken eldimekender de nazardan tys qalyp körgen emes, – dedı äkım orynbasary.
Elordada qalaǧa biriktirilgen tūrǧyn alaptardyŋ damuy jönindegi keşendi baǧdarlama jüzege asyryluda. Astana qalasy Jolauşylar kölıgı jäne avtomobil joldary basqarmasynyŋ bastyǧy Raşid Amanjolovtyŋ aituynşa, bas qalada 20 tūrǧyn alap bar eken. Bügıngı taŋda onda 150 myŋ adam ömır sürude.
Tūrǧyn alaptardyŋ basym bölıgınde būryn tas jol, ortalyqtandyrylǧan su jäne kanalizasiia jüiesı mülde bolmaǧan. Elektr jelılerı de äbden tozǧan. Atalmyş baǧdarlama boiynşa tūrǧyn alaptarda 232,38 şaqyrym jol men 900,9 şaqyrym injenerlık jelı jürgızu közdelıp otyr. Ötken jyly 9 tūrǧyn alapta jöndeu jūmystary jürgızılıp, 24,14, şaqyrym jol, 43,9 şaqyrym injenerlık jelı jürgızılse, üstımızdegı jyly 13 tūrǧyn alapta 15,8 şaqyrym jol men 41,3 şaqyrym injenerlık jelı salu josparlanǧan eken. Būl jūmystar berilgen audannyŋ damu bolaşaǧyn esepke ala otyryp, keşendi türde tūrǧyn alaptardy damytu tūjyrymdamasynyŋ şeŋberınde jüzege asyryluda.
Bız barǧan jerlerdıŋ barlyǧynda da qyzu jūmys jürıp jatty. Elordalyq BAQ ökılderı aldymen B.Momyşūly köşesınen M.Jūmabaev köşesıne jäne Mirzoian köşesınen Mailin köşesıne deiıngı aumaqty alyp jatqan Qazaqauyl tūrǧyn alabyndaǧy jöndeu jūmystaryna kuä boldy. Būl jerde, negızınen, jekemenşık üiler ornalasqan. Būl baǧyttaǧy joldardy jöndeu jūmystary ötken jyldan berı jürgızılıp jatqan körınedı. Merdıgerlerdıŋ mälımdeuınşe, osy jyldyŋ qyrküiek aiynda būl maŋdaǧy jol jöndeu jūmystary tolyqtai aiaqtalady.
Odan soŋ Michurin tūrǧyn alaby men Küigenjarda bolyp, qaladan syrtqaryraq ornalasqan eldımekenderdegı jol-qūrylys jūmystarymen tanystyq. Būl rette barlyq jerde jylu jelılerı, sumen qamtamasyz etu jäne kärızderdı auystyrudan basqa, jol dar keŋeitılıp, qosymşa avtokölık oryndary salynǧan, aulalarabattandyrylyp, sonyŋ ışınde jaryqtandyru, kögaldandyru, jaiau jürgınşıge arnalǧan joldar salu jūmystary jüzege asyrylǧan eken. Osylaişa, Elbasy tapsyrmasy boiynşa atqarylyp jatqan igı ısterdı öz közımızben körıp, tūrǧyndar üşın quanyp ta qaldyq. Būryn qalaǧa jalǧyz ǧana jolmen qatynaityn atalmyş alaptardyŋ tūrǧyndary bolsa özderınıŋ jürıp-tūrularyna meilınşe qolaily jaǧdai jasap, ömırlerın jeŋıldetıp jatqan qala basşylaryna şyn köŋılden alǧystaryn aityp, rizaşylyqtaryn bıldırdı.
*Cübelı söz
Şyntıleu ŞÜKIROVA, zeinetker:
– Ärine, oraza aiynda osyndai igılıktı ıs tyndyryp jatqan basşy azamattarǧa Allanyŋ nūry jausyn deimın aldymen. Rasynda da, auylymyz körkeiıp, qalaǧa ūqsap keledı. Sonyŋ bärı osy qala basşylarynyŋ bızge degen erekşe qamqorlyǧynyŋ arqasy dep bılemız. Köşelerdı qaita jaŋartyp, ekonomikalyq jäne äleumettık mäselelerdı keşendı şeşuge, jalpy alǧanda, tūrǧyndardyŋ ömır süru sapasyn jaqsartuǧa baǧyttalǧan jūmystarynyŋ jemısın körsın deimın. Basşylar endı bızge qoǧamdyq kölık mäselesın şeşıp berse, nūr üstıne nūr bolar edı dep oilaimyn.
Kämşat MALǦAJDAROVA, Michurin tūrǧyn alabyndaǧy №60 «Arai» balabaqşasynyŋ meŋgeruşısı:
– Astana qalasynyŋ ainalasyndaǧy halyqqa da jaqsy ömır süru üşın qalalyq bilık ökılderı barlyq jaǧdaidy jasap jatyr. Balabaqşa maŋyndaǧy joldarymyz jöndelgelı berı mūnda balalaryn äkelıp jürgen ata-analarǧa da qolaily bolyp qaldy. Osyǧan deiın joldyŋ naşarlyǧynan köp qiyndyq körıp keldık. Almaty audanynyŋ äkımımen ötken jyly bolǧan tūrǧyndar aldyndaǧy eseptı kezdesu barysynda osy mäselenı kötergen bolatynbyz. Endı, mıne, jolymyz keŋ ärı tep-tegıs. Balalar äsem bezendırılgen aulalarda asyr salyp, balalyq balǧyn şaqtaryn alaŋsyz ötkızıp jatyr. Sol üşın de qala basşylaryna alǧysymyzdy aitamyz.
