Turisterge tartymdy qala

Astana qalasyn EXPO 2017 halyqaralyq mamandan­dy­rylǧan körmesıne daiyndau­da Astana Konvenşn Biurosy auqymdy jūmystardy bastap kettı. Būl mekeme ötken jyly Astana qalasynyŋ investisiialar jäne damu basqarmasy janynan qūrylǧan bolatyn.  Elordanyŋ turistık sektoryn josparlau, damytu jäne jyljytu boiynşa negızgı ūiym sanalatyn mekeme  ışkı investisiialar esebınen qala  ekonomikasyn nyǧaitudy közdeidı.

Bügınde ıskerlık turizmdı damytu maqsatynda halyqaralyq äuejaida, temırjol vokzaly men «Han şatyr» SOO-da aqpa­rattyq kioskıler ornatylǧan. Osy uaqytqa deiın oǧan 5000-ǧa
juyq ötınış tüsse, onyŋ teŋ jartysy şeteldık qonaqtardan kelgen. Paidaly aqparat beretın taqtalar qazaq, orys jäne aǧyl­şyn tılınde qyzmet körsetedı.
Al, Astana künı qarsaŋynda Hop-on/Hop-off jüiesımen jabdyqtalǧan ekskursiialyq avtobustar paidalanuǧa be­rıl­mek. Qala tūrǧyndary men qonaqtaryna yŋǧaily turistık internet-portal men Astana Guide mobildık qosymşasy ıske asyrylady.
– Sait pen mobildık qo­sym­şanyŋ erekşelıgı sol, qalanyŋ körıktı jerlerın 3D arqyly virtualdy saiahattauǧa mümkındık beredı. Būǧan qosa jyl saiyn şyǧatyn Astana Official Guide jurnaly maŋyzdy degen aqparat anyqtamalyǧyn ūsynady. Qyz­met körsetudıŋ sapasyn arttyru ärı keŋeitu maqsatynda «Recommended by EXPO» jobasy düniege keldı. Mūnda qonaqüiler, hostelder, qoǧamdyq tamaqtanu oryndary, qyzmet körsetu meke­melerı jäne transporttyq kompaniialar top­tastyrylǧan, – deidı «Astana Konvenşn Biuro» JŞS­ di­rek­tory Saniiar Aitekenov.
Ūiymnyŋ taǧy bır qolǧa alǧan baǧyty – halyqaralyq bailanysty damytu. Qazırgı uaqytta Astana qalasy şeteldık 28 mem­leket­pen, sonyŋ ışınde 26 asta­namen ūzaqmerzımdı kelısımge kelu turaly memorandumǧa qol jetkızgen. Osyǧan bailanysty, turizmdı damytu maqsatynda biyl Astana qalasynda jetekşı turoperatorlardyŋ, blogerler men şeteldık BAQ ökılderınıŋ qatysuymen aqparattyq turlar ūiymdastyrylmaq.
«Astana Konvenşn Biuro» JŞS mälımetıne süiensek, EXPO 2017 halyqaralyq maman­dan­dyrylǧan körmesı qarsaŋynda «EKSPO lager» qūrylysy boi kötermek. 9 myŋ adamǧa la­iyqtalǧan lager Qazaqstannyŋ är öŋırınen kelgen oquşylar men studentterge arnalmaqşy.

Gülmira ŞARHANQYZY