«ASI» investisiialyq qūrylys kompaniiasynyŋ saityna qarasaŋyz, qaramaǧyndaǧy qūrylys qarqyndy jürıp, tūrǧyn üi keşenderı kün sanap boi köterıp jatqandai äser qaldyrady.
Üidei uäde berıp, qūrylys qompaniiasynyŋ esebıne qalai qarajat qūiudyŋ da amalyn täptıştep tüsındırıp qoiǧan.
Al, şyndap kelgende, osyndai äserlı menedjmenttıŋ yqpalyna tüsıp, uädelı päterıne qoly jetpei qinalyp jürgenderdıŋ sany da az emes. Bügınde olardyŋ qatary bes myŋnan asyp otyr.
«Kompaniiamen kelısımşart boiynşa «Şyǧys» tūrǧyn üi keşenındegı päterımızdıŋ kıltın ötken jyly aluymyz kerek edı. Qarajaty tügel audarylyp qoiylǧan, alaida ırgetasy ǧana qalanǧan küiınde qūrylys qozǧalyssyz qalyp otyr» deidı amaly tausylǧan Baqyt Saǧymbaeva.
«Han Şatyr» sauda-oiyn-sauyq ortalyǧy maŋynan jer satyp alyp, üleskerlerdıŋ qarajatyna üi salmaq bolǧan üi keşenınıŋ direktory Sergei Kotliarovtyŋ būl äreketın Baqyt bylaişa tüsındıredı. «Menşıgıne alǧan jerdı memleket qaitaryp almas üşın tek qana alǧaşqy bloktaryn tūrǧyzyp, qalǧanynyŋ ırgetasyn ǧana qalap qoiǧan siiaqty. Jaqynda bır barǧanymda, bızge tiesılı bloktyŋ qūrylysy jazda bastaluy mümkın degendei boldy. Qalai bolǧanda da, aqysy tölenıp qoiylǧan päterımızge qol jetse bolar edı» degen küdıgın de jasyrmady. Qaladaǧy qūrylys kompaniialarynyŋ jūmysy jaiynda Astana qalasy Memlekettık säulet-qūrylys baqylau basqarmasynyŋ bas mamany Şyŋǧys Amanjolovpen habarlasqanymyzda, «Şyǧys» tūrǧyn üi keşenınıŋ mäselesın jaqsy bıletının aitty. Onyŋ sözıne qaraǧanda, üleskerlerdı «Şyǧysqa» qaratyp qoiǧan Sergei Kotliarov tūrǧyn üi keşenınıŋ qūrylysy tübı bır bıtetıne taǧy da uäde berıptı.
– Jalpy, «Tūrǧyn üi qūrylysyna ülestık qatysu» turaly zaŋǧa säikes, qūrylys kompaniialarymen kelısımşartqa otyrmas būryn olardyŋ üleskerlerdıŋ aqşasyn tartu esebınen tūrǧyn üi qūrylysyn ūiymdastyru jönındegı qyzmettı jürgızuge jergılıktı atqaruşy organdardan rūqsatynyŋ bar-joǧyn tekseruı tiıs. Kelısımşartty ekı jaqtyŋ zaŋgerlerımen kelıse otyryp, üleskerdıŋ qūqyǧyn, qūrylys nysanynyŋ keste boiynşa salynu kezeŋın qadaǧalauǧa qatysty joldaryn qarastyru kerek. Kümändı kelısımşartqa otyrǧandar qūrylys barysynda problemalar tuyndaǧanda, öz qūqyǧyn qorǧai almaidy, – deidı Şyŋǧys Amanjolov.
Rasynda da, aldanyp qalǧan üleskerlerdıŋ köbı qūjatty räsımdeuge män bermegen. Özderınıŋ qūqyǧyn qorǧaityn tūstaryn attap ötken qūrylys kompaniianyŋ basşylary halyqtyŋ osyndai beiqamdyǧyn paidalanyp ketıp otyr. Şyǧasyǧa iesı basşy bolatyn äuelden anyq. Ärine, ızdenem degenge sotqa jügınıp, prokuratura siiaqty baqylauşy organdar joq emes. Alaida jyldap kütse de, baspanaly boludan ümıttengen «Şyǧystyŋ» üleskerlerı älı de ümıtın üzgısı kelmeidı.
Aigül UAISOVA,
«Astana aqşamy»
