Osy aptada älemnıŋ futbol süier qauymy Qazaqstanǧa nazar audardy. Astanada Ükımet basşysy Serık Ahmetovtıŋ qatysuymen UEFA-nyŋ kezektı 38-keŋesı öttı. Aituly şaraǧa UEFA prezidenti Mişel Platini, FIFA basşysy Iozef Blatter jäne tanymal sport saŋlaqtary qatysty.
Kongreste söz alǧan Ükımet basşysy Serık Ahmetov atalmyş jiyn el futbolynyŋ damuyna jaŋa serpın beretının mälımdedı. Basqosuǧa UEFA qūramyna enetın 54 ūlttyq qauymdastyqtyŋ ökılderı keldı. Aita ketu kerek, älemdık şara UEFA-nyŋ qūrylǧanyna 60 jyl toluymen tūspa-tūs kelıp otyr. «UEFA Kongresı TMD elderı arasynda Qazaqstanda alǧaş ret ötkızılıp otyr. Qazaqstannyŋ FIFA ūiymyna qosylǧanyna köp bola qoimasa da, būl şeşım bırauyzdan qabyldandy. Būl – bız üşın ülken märtebe. Jüz jyldan astam tarihy bar Qazaqstan futboly qazır qarqyndy damyp keledı, sporttyŋ būl türıne degen qyzyǧuşylyq joǧary» dedı S.Ahmetov. Öz kezegınde UEFA prezidentı Mişel Platini barlyq elde futboldyŋ damuyna qoldau bıldıretındıkterın ärı būqaralyq sport türın damytuǧa barynşa küş salatynyn jetkızdı.
