Ūlttyŋ ūly bırlıgı kerek
![](https://astana-akshamy.kz/wp-content/uploads/2023/01/200305173809228e-e1673282502342-780x456.jpg)
– Qaimana qazaqtyŋ qabyrǧasyn qaiystyryp, qan jylatqan qaŋtar oqiǧasyna, mıne, bır jyl toldy. Täuelsız Qazaqstan tarihyndaǧy «qara daq» retınde esımızde qalǧan būl oqiǧadan bız ülken sabaq aluymyz tiıs.
Qazır qaŋtar oqiǧasyna qatysty köptegen mäsele aşyq aitylyp, halyqqa küŋgırt bolyp kelgen bıraz ıstıŋ betı aşyldy, qaŋtar oqiǧasyna qatysqan myŋnan artyq adamǧa raqymşylyq jasaldy. 2022 jyldyŋ 23 jeltoqsanynda Prezident Qasym-Jomart Toqaev Almaty qalasynda qaŋtar oqiǧasynyŋ qūrbandaryna arnalǧan «Taǧzym» memorialyn aşty. Menıŋ tüsınıgımde taǧzym sözı «bas iiu» degen ūǧymdy bıldıredı. İä, bız qaŋtar qūrbandaryna bas iıp, taǧzym etemız. Sonymen qatar qaŋtar qasıretınıŋ qaitalanbauy üşın elımızge, halqymyzǧa ūly bırlık kerek. Taǧzymnyŋ tüpkı mänı – osynda.
Ūlttyŋ ūly bırlıgı bızge ne üşın kerek? Ūltymyzdyŋ ūly bırlıgı bızge bolaşaq ūrpaǧymyzdyŋ baqytty ömır süruı üşın, tuǧan Otanymyz – Qazaqstannyŋ qaryştap damuy üşın kerek. «Bırlık bolmai, tırlık bolmas» deidı halqymyz. Qaŋtar oqiǧasynyŋ qaita qaitalanbauy üşın eŋ äuelı ūltymyzda auyzbırşılık, ideia tūtastyǧy bolu kerek. Ärine, qaŋtar oqiǧasy qoǧamda qordalanǧan äleumettık mäseleler men bilık jüiesındegı teŋsızdıkterge qarsy narazylyqtan bastau aldy. Desek te onyŋ artynda el ışın ala taidai büldıretın arandatuşy maqsattaǧy adamdar da joq emes. Būl – eldıgımız, bırlıgımız üşın ülken synaq. Ärine, elımızdegı äleumettık teŋsızdıkterge, bilık jüiesındegı jemqorlyqqa, memlekettık basqaru jüiesındegı keibır şendılerdıŋ ūlttyŋ müddesın aiaqqa taptap otyrǧan aşközdıgıne narazy ekenı ras. Bıraq «bitke ökpelep, tonyŋdy itke tastama» degendei, oǧan bola eldıktı, täuelsızdıktı tärk etuge bolmaidy.
Ūlt bolyp ūiysyp, jūrt bolyp jūmylyp, ūlttyŋ ūly bırlıgıne qol jetkızeiık!
Sädıbek TÜGEL, Qazaqstannyŋ
Eŋbek sıŋırgen qairatkerı