Astananyŋ 20 jyldyq mereitoiyna orai «Elorda aqparat» mediakompaniiasy men respublikalyq Toǧyzqūmalaq federasiiasynyŋ ūiymdastyruymen aqyn-jazuşylar, jurnalister arasynda ūlttyq oiyn – toǧyzqūmalaqtan aşyq respublikalyq turnir öttı.
Turnirde Astana, Almaty, Şymkent qalalarynan jäne Qyzylorda, Qostanai, Pavlodar, Şyǧys Qazaqstan oblystarynan kelgen sportşylar baq synady. Jarystyŋ aşylu saltanatyna Düniejüzılık jäne respublikalyq toǧyzqūmalaq federasiiasynyŋ töraǧasy Älihan Baimenov, «Elorda aqparat» mediakompaniiasynyŋ direktory Qaisar Jūmabaiūly, astanalyq Toǧyzqūmalaq federasiiasynyŋ töraǧasy, Astana qalasy Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev, «QR Ūlttyq arhivı» respublikalyq memlekettık mekemesınıŋ direktory Jangeldı Mahaşov, «Qoljazbalar jäne sirek kıtaptar ūlttyq ortalyǧy» mekemesınıŋ basşysy Asylhan Saduov qatysyp, jarysqa qatysuşylar men janküier qauymdy elorda merekesımen qūttyqtap, sättılık tıledı.
– Öşkenımız jaŋǧyryp, üzılgenımız qaita jalǧanǧan ūlttyq oiynymyz – toǧyzqūmalaq soŋǧy jyldary joǧary qarqynmen damyp keledı. Angliia, Fransiia, Chehiia memleketterınıŋ ziiatkerlık oiyndarynyŋ festival baǧdarlamasyna engızıldı. Qazırgı taŋda älem boiynşa būl oiynmen şūǧyldanuşylardyŋ qatary 200 myŋǧa jaqyndady. Bügınde älemnıŋ köptegen elderınde toǧyzqūmalaqtan halyqaralyq deŋgeidegı türlı jarystar ötkızılıp tūrady. Oǧan qazaq halqy ǧana emes, şetelderdegı jergılıktı jūrtşylyq ta belsendı qatysady. Jalpy, toǧyzqūmalaq – jeŋısı bar da, jeŋılısı joq oiyn. Öitkenı qarsylastan ūtylsaŋyz da meilı, bastysy ūlttyq oiynnyŋ mereiı köterıledı, – degen Älihan Baimenov jarysqa qatysuşylarǧa sättılık tıledı. Aitysker aqyn Nūrqanat Qairat ūlttyq qūndylyqtarymyzdy ūlyqtaǧan şaraǧa arnau aitty.
Jarysqa halyqaralyq därejedegı töreşı Ernūr Mereşov törelık jasady. Aita ketu kerek, turnir aiasynda Astana qalasy Tılderdı damytu jäne arhiv ısı basqarmasynyŋ ūiytqy boluymen «Tıl – qazyna» atty arnaiy şara ūiymdastyryldy. Onda ana tılımız ben el tarihyna qatysty sūraqtarǧa müdırmei jauap bergen qatysuşylarǧa syilyqtar tabystaldy. Saiys barysynda än men küi äuelep, jyrdan şaşu şaşyldy.
Al toǧyzqūmalaq turnirı qorytyndysynda «Mınber» internet basylymynyŋ tılşısı, almatylyq Baqytjan Qadylbek I oryndy qanjyǧalasa, astanalyq jurnalist Oljas Süleimenov ekınşı orynǧa, Türkıstan oblysy äkımdıgı baspasöz qyzmetınıŋ mamany Ǧabit Saparbek üşınşı orynǧa taban tıredı. Sonymen qatar bır top qatysuşyǧa yntalandyru syilyǧy berıldı. Jeŋımpazdar men jüldegerler diplomdarmen jäne qarjylai syilyqpen marapattaldy.
