Jaqynda Täuelsızdık saraiynda erekşe körme öttı. Erekşelıgı sol, onda tek qana ūlttyq önımder jūrtşylyq nazaryna ūsynyldy.
«Damu» qory ūiymdastyrǧan körmege Resei, Päkıstan, Äzerbaijan, Malaiziia, Türkiia, Oŋtüstık Koreia, Polşa, Özbekstan elderınen 500-den asa kompaniia qatysty. Sondai-aq, elımızdıŋ tükpır-tükpırınen azyq-tülık, qūrylys, jihaz, toqyma önerkäsıbı, auyl şaruaşylyǧy sekıldı türlı salalardy döŋgeletıp otyrǧan käsıpkerler bas qosty.
«Damu» qorynyŋ basty maqsaty – elımızdegı şaǧyn jäne orta biznestı (ŞOB) damytu. Endı osy mındettı oryndau üşın «Damu» qory Özbekstan jäne Äzerbaijan memleketterımen bırlesıp jūmys ısteitın boldy.
– Şeteldık ūiymdarmen yntymaqtastyq ornatyp otyrǧanymyzdyŋ mänı zor. Bügın bız Äzerbaijannyŋ ŞOB damytu agenttıgımen jäne Özbekstannyŋ käsıpkerlıktı qoldau jäne damytu memlekettık qorymen bırge kelısımge qol qoidyq. Būl kelısım serıktestıgımızdıŋ negızın qalap, bırlesken baǧdarlamalar men jobalardy ıske asyru üşın mümkındıkter aşady, – dedı «Damu» qorynyŋ basşysy Gauhar Börıbaeva.
Öz kezegınde Özbekstannyŋ ministrler kabinetınıŋ müşesı Ekub Omarov būl kelısımnıŋ orny erekşe ekenın aita kelıp, «Ulttyq ónim-2019» körmesı özge eldermen qarym-qatynas ornatuǧa ülken septıgın tigızetının jetkızdı.
– Bız «Damu» qorynyŋ qyzmetın joǧary baǧalaimyz jäne ornatqan serıktestıgımızdegı alǧaşqy qadamdar osy körme aiasynda jasalǧanyna quanyştymyz. Memorandum bızdıŋ şaǧyn jäne orta käsıpkerlıgımız üşın jaŋa mümkındıkter aşady, – dedı Äzerbaijan KOBIA ŞOB qoldau agenttıgınıŋ basqarma töraǧasy Orhan Mamedov.
