Bügın «Qazaq elı» monumentınıŋ aldyndaǧy alaŋda Qazaqstan halqynyŋ bırlıgı künın merekeleu barysynda ūlttyq taǧamdar järmeŋkesı ötedı.
Elordada tūratyn 15 ūlt ökılderı özderınıŋ ūlttyq taǧamdaryn köpşılıkke ūsynatyn bolady. Būl künı alaŋǧa kelgen qala tūrǧyndary men qonaqtaryna «Jıbek joly» jäne «Korean Haus» meiramhanalary as äzırleidı.
Sonymen qatar, elımızdıŋ tükpır-tükpırınen, TMD jäne Germaniiadan, Ündıstannan, Qytaidan kelgen şyǧarmaşylyq ūjymdardyŋ 700-den asa ärtısınıŋ qatysuymen konsert ūiymdastyrylady, qoldanbaly öner men būiymdar körmesı ötedı. Sondai-aq, arqan tartu, qol küresı, kır tasyn köteru, toǧyzqūmalaq jäne basqa būqaralyq sport türlerı boiynşa saiystar ötkızıledı.
