Ūrpaqqa – önege

Astana qalalyq Tılderdı damytu bas­qarmasy Jeŋıs mere­kesıne orai «Tūran» mei­ramhanasynda el­or­dalyq maidangerler  men soǧys jyl­darynda tylda eŋbek etken ardagerlerge  das­tarqan jaiyp, «Atalar erlıgı – ūr­paqqa amanat»  atty  igılıktı şara ötkızdı. 

Izgılıktı şarada aldymen soǧystan oralmaǧan bozdaqtar men bügınde aramyzda joq ardagerlerdıŋ ruhyna arnap, dūǧa baǧyş­taldy. Odan keiın Tıl bas­­qarmasynyŋ bastyǧy Tı­leu­ǧali Qyşqaşbaev ötıp otyr­ǧan şaranyŋ maŋyzyna toqtalyp, ardagerlerge ıltipatty lebızın bıldırdı. Respublikalyq Ardagerler keŋesınıŋ töraǧasy Ömırzaq Ozǧanbaev sol soǧys būlty töngen jyldardaǧy qazaq­standyqtardyŋ eren erlıgı men janqiiarlyq eŋbegı jaiynda tereŋırek söz qozǧady.
– Bız ol künderdı eşqaşan ūmytpaimyz. Soǧysqa elı­mızden millionnan astam adam attandy. Solardyŋ 700 myŋy elge oraldy. Beibıt künde tuǧan jerdıŋ damuyna erekşe üles qosty. Bügınde ardagerlerdıŋ teŋ jartysy tösekke taŋylyp, üide jatyr. Sondyqtan aramyzda jürgen maidan­gerlerdı aialaiyq. Bır ǧana osy Astana tabanynan 47 Keŋes Odaǧynyŋ batyry, 7 Daŋq ordenınıŋ tolyq iegerı atanǧan azamattar şyqty, – dedı Ardagerler keŋesınıŋ töraǧasy.
Sondai-aq, elordadaǧy Q.Quanyşbaev atyndaǧy Memlekettık akademiialyq qazaq muzykalyq drama teatrynyŋ ärtısterı qo­naqtarǧa soǧys kezınde ja­zylǧan aqyndardyŋ öleŋ­derın oqyp, maidan än­derın şyrqady. Bauyr­jan Momyşūlynyŋ ana tılımız turaly aitqan tolǧamdary aityldy. Soǧys ardagerı Mınaidar Boranbaev jas­tarǧa batasyn berdı. Tū­jy­ryp aitqanda, ädemı keşten qariialardyŋ köŋılı bır köterılıp qaitty.

Azamat ESENJOL