Elımızdıŋ üş qalasynda mektep oquşylary sabaqty onlain formatta oqidy. Būl turaly QR bılım jäne ǧylym ministrlıgı mektepke deiıngı jäne orta bılım komitetı töraiymy Gülmira Karimova mälım ettı.
«Mektepterde üşınşı toqsan bastaldy, ol 18 nauryzǧa deiın jalǧasady. Oqu ärtürlı formatta bolady. Bızdıŋ ministrlıktıŋ ūstanymy mektep oquşylarynyŋ dästürlı formatta oqyǧany jäne sol üşın de bar jaǧdaidy jasaidy. Degenmen epidjaǧdaidyŋ kürdelene tüsuıne bailanysty elımızdıŋ üş qalasynda Nūr-Sūltan, Almaty jäne Şymkentte oquşylar qaşyqtan, iaǧni onlain formatta oqityn bolady. Qazırgı uaqytta mektepterdı tehnikalyq tūrǧydan qamtu jūmysy aiaqtalyp jatyr» dedı Gülmira Karimova OKQ-de onlain ötken baspasöz mäslihatynda. Onyŋ aituynşa, basqa öŋırlerde de 600-den köp oquşysy bar mektepter qaşyqtan oquǧa köşuı tiıs. «1-2 synyp oquşylary olardyŋ jas erekşelıgın eskere otyryp sabaqty mektepke kelıp oqidy. 3-5 synyp oquşylary kezekşı top formatynda bılım alady. Al qalǧan synyptar qaşyqtan oquǧa köşuı tiıs. Sondai-aq mektepte 600 oquşydan az bolsa, ol mektepke dästürlı formatta bılım beruge rūqsat» dedı komitet töraiymy.
