Keşe elorda äkımınıŋ orynbasary Malika Bektūrova Politehnikalyq kolledjdıŋ oqu prosesımen tanysyp şyqty. Is-şara barysynda ol atalǧan kolledjge taǧy ekı oqu orny qosylatynyn mälım ettı.
Oqu ornynyŋ qyzmetkerlerı jinalǧan jūrtty studentterdıŋ därısımen tanystyrdy. Alǧaşqy kırgen şeberhanada jastardyŋ temırdı dänekerleu sabaǧy körsetılse, kelesı bölmede ūstazdardyŋ jetekşılıgımen mersedes, audi sekıldı nemıs kölıkterınıŋ qozǧaltqyşyn būzyp, qaita jinau, aqaularynyŋ aldyn alu sekıldı prosesterı körsetıldı. Al endıgı bölımde qūrylysşylardyŋ jūmysy ūsynyldy.
Soŋǧy jyldary älem elderınde elektr kölıkterdı qoldanu ürdıske ainalyp keledı. Būl tūrǧyda Qazaqstanda Tesla kölıkterın paidalanatyndar qatary artqanmen, ony sauatty jöndei bıletın mamandar tapşy bolyp tūrǧany jasyryn emes. Politehnikalyq kolledj mūny da nazardan tys qaldyrmai, bolaşaqqa qajet mamandar daiarlaudy qolǧa alypty.
Elordany gazdandyruda Bosch Thermotechnik kompaniiasy men Politehnikalyq kolledjdıŋ bırlesıp aşqan oqu ortalyǧynda bıraz bastama qarastyrylyp jatqany mälım boldy. Jinalǧan jūrtty taŋqaldyrǧan mamandyqtyŋ bırı – ǧimarattyŋ jobasyn BIM tehnologiiasy boiynşa daiyndap şyǧaru ürdısı boldy. Būl tehnologiia qazır ozyq elderde ǧana qoldanylyp keledı eken.
– Bız qazırgı zamannyŋ talaptaryna sai kelmeitın kei mamandyqtardyŋ ornyna zamanaui salalardy engızdık. Sondai-aq, Politehnikalyq kolledjge Energetika jäne bailanys, Qūrylys kolledjderın bırıktırudı jön kördık. Olardyŋ bır saladaǧy mamandardy daiyndaǧanymen materialdyq-tehnikalyq äleuetterı, oqu programmasy, bılım beru täsılderı aitarlyqtai bolmady. Sondyqtan üşeuın bırıktırdık. Endı olardyŋ materialdyq-tehnikalyq bazasyn küşeitemız, – dedı Malika Bektūrova.
Söz arasynda ol Politehnikalyq kolledj aldaǧy oqu jylynan bastap jaŋa ǧimaratqa köşetının jetkızdı. Būǧan qosa kolledj tülekterınıŋ joǧary bılımdı bolyp esepteluı üşın oqu baǧdarlamasyn bırıktıru mäselesı qarastyrylyp jatqanyn jetkızdı. Iаǧni studenttıŋ alǧan bılımı – teoriialyq, praktikalyq därısterı kredittık saǧatqa (credit hours) ainalyp, joǧary bılımdı bolyp esepteledı.
