Nissaim Nūrbosyn – bılım aluda erekşe qajettılıgı bar oquşylardyŋ bırı. Qazır №8 mektep-liseiınıŋ 5-synyp oquşysy. Nissaim bızdı körgen sätte atymyzdy sūrady. Mınezınıŋ öte aşyq, tez tıl tabysqyş ekenın baiqadyq. Synyp jetekşısı Säbira Erjanqyzynyŋ aituynşa, Nissaim – bauyrmal, jüregı jūmsaq oquşy.
– Synyptaǧy keibır sabaq ülgerımı naşar oquşylarǧa mūǧalımder ūryssa, Nissaim sol balalarǧa tättı äkelıp, köŋılın köteruge tyrysady. Ainalasyna meiırımdılık tanytqandy jaqsy köredı. Bastapqyda synyptaǧy keibır oquşylarda bölınu boldy. Bıraq tüsındıru jūmystary jürgızılgennen soŋ bırden tıl tabysyp kettı. Bır jaǧynan Nissaimnyŋ özı öte aşyq, aqköŋıl. Onyŋ erekşe qabıletı – synyptastarynyŋ jäne mūǧalımderınıŋ aty men ata-anasynyŋ atyn jatqa bıledı. Tanysqan adamǧa da osy sūraqty qoiyp, ūmytpai este saqtap alady, – deidı synyp jetekşısı.
Nissaim sabaqtan tys uaqytta inkliuzivtı qoldau kabinetınde pedagog-assistentımen bırge sabaqtardy qaitalaidy, arnaiy mamandarmen jūmys ısteidı.
[smartslider3 slider=2015]
– Nissaimnyŋ qasynda saǧat 14:00-den 19:00-ge deiın arnaiy bırge jüretın pedagog-assistentı bar. Ashanaǧa jäne arnaiy mamandarǧa, qosymşa üiırmelerge aparady. Kabinette qazaq tılı, matematika sabaqtary boiynşa qaitalau sabaqtaryn ötkızedı, – deidı mekteptıŋ inkliuziia boiynşa ädıskerı Perizat Hasenova.
Nissaim 5-10-synyptar arasyndaǧy «Būrymdy qyz» baiqauyna qatysyp, arnaiy nominasiiany jeŋıp alǧan. Būdan bölek, balet bişısın japyraqtan qūrastyryp, «Küzgı qolöner» baiqauynda II därejelı diplommen jäne arnaiy tösbelgımen marapattalǧan. Qalalyq erekşe bılım aludy qajet etetın balalardyŋ arasynda «Täuelsızdık jetıstıkterı» atty baiqauǧa qatysyp, anasymen bırge tättı bälış pısırgen.
Nissaim 5-10-synyptar arasyndaǧy «Būrymdy qyz» baiqauyna qatysyp, arnaiy nominasiiany jeŋıp alǧan. Būdan bölek, balet bişısın japyraqtan qūrastyryp, «Küzgı qolöner» baiqauynda II därejelı diplommen jäne arnaiy tösbelgımen marapattalǧan
– Nissaimnyŋ anasy öte belsendı. Synyptaǧy barlyq şaraǧa qatysady. Bırde «Jastar teatrynda» qoiylǧan «Meiırımdı jürek» qoiylymyna bardyq. Sol kezde tek qana Nissaimnyŋ ata-anasy synyppen bırge teatrǧa bırge baryp, qatysty. Qoiylym bıtken soŋ, synyptaǧy oquşylar «meiırım – bızdıŋ jüregımızde» dep hormen aitty. Sondai şaralarǧa jiı qatysyp tūrady. Jaqyn arada ǧylymi joba qorǧaimyz. Qazır soǧan daiyndaludamyz, – deidı synyp jetekşısı.
Nissaim byltyr robototehnikaǧa qatysty. Bıraq üiırme jetekşısı auysyp kettı de, biyl jalǧastyrmady.
Anasy Alma Dosanovanyŋ aituynşa, Nissaim üide quyrşaq oinaǧandy jaqsy köredı.
– Maǧan üi jūmysyna, äsırese ydys juǧanda kömektesedı. Öte meiırımdı, qolyndaǧy barymen bölısedı. Türlı tüstı qaryndaşpen suret salady. Daiyn närselerden kompozisiia qūrastyrǧandy jaqsy köredı. Qolönermen de ainalysady. Nissaimnyŋ öz rejimı, iaǧni dalada seruendeitın uaqyty bar. Dalada sol uaqytta qandai aua raiy bolsa da, däl uaqytynda şyǧady. Jaŋbyr jausa da, aiaz bolsa da, soǧan sai jyly kiınıp, bärıbır dalaǧa şyǧyp seruendep keledı. Saiahatty jaqsy köredı. Osy uaqytqa deiın Angliia, Fransiia, Egipetke baryp keldı. Endı Amerikaǧa barǧysy kelıp jür, – dedı anasy.
Aizada JAIYQQYZY
