Aŋsar Qazbek – respublikalyq, halyqaralyq kiokuşinkai karate boiynşa bırneşe sporttyq jülde ielengen. 6 jasynan bastap osy sport türımen ainalysqan. Qazır №11 mektep-liseiınıŋ 9-synybynda oqidy.
Eŋ alǧaş karatege qyzyǧuşylyǧy balabaqşada bastalǧan.
– Bır aǧai balabaqşaǧa kelıp, osy sport türınen master-klass ötkızgen edı. Soǧan qyzyǧyp, karate turaly ızdene bastadym. Kıtaptar oqydym, kinolar qaradym. Būl talabymdy äkem baiqap, 6 jasymnan bastap qatystyrdy. Karatemen ainalysu arqyly özımdı qorǧai alamyn. Sol arqyly özıme degen senımdılık qalyptasty. Būdan bölek, Otanymdy, otbasymdy qorǧau üşın de fizikalyq tūrǧydan myqty bolu kerek. Anam men äkem karatemen ainalysqanyma ünemı qoldau bıldırıp otyrady.
Aŋsardyŋ aituynşa, kiokuşinkai karatenıŋ eŋ basty erekşelıgı – tärtıp.
– Negızı, karatenıŋ būl türı basqalaryna qaraǧanda basqaşa. Mūnda ūpai jinau boiynşa erekşelık bar. Iаǧni, soqqynyŋ tiımdılıgıne sai ūpai berıledı. Mysaly, boksta nokautqa bır ūpai berıletın siiaqty, soqqyŋ erekşe bolsa, joǧary ūpai aluǧa mümkındık bar. Al jai soqqyǧa ūpai berılmeidı.
Jetıstıkterı:
«Nachalo Puti» – I oryn;
«Duh Pobedy» – III oryn;
«Molodaia Liga» – III oryn;
Klubaralyq turnir – I oryn;
«Temır orda» – II oryn
Būl sport türınde bır jattyǧudy qaitalap jasau arqyly tärtıpke üirenıp kelemız. Sol arqyly özımdı jıgerlı, qaisar mınezdı boluǧa tärbieledım desem bolady. Bız jattyǧu kezınde de, jarys kezınde de aq tüstı kimono kiemız jäne jinaqy bolyp tūruyn qadaǧalaimyz.
Ol bos uaqytynda suret salǧandy ūnatady. Qiialdap, armandaǧandy jaqsy köredı.
– Mektepte eŋ süiıktı pänderım – geografiia jäne körkem eŋbek. Bos uaqytymda suret salamyn. Odan bölek komikstar oqimyn. Dedbul, Garri Potter turaly komikstar esımde qatty saqtaldy. Mūnda qiial-ǧajaiyptar köp, armandauǧa üirenesıŋ. Sol üşın komikstardy jaqsy köremın.
Aŋsar bolaşaqta kiokuşinkai karate boiynşa öz klubyn aşudy armandaidy.
– Qazaqstanda Taraz, Şymkent, Almatyda bolmadym. Qalǧan qalalardy master-klass, sporttyq baiqaular boiynşa aralap şyqtym. Jaqynda Pavlodarda Qazaqstan chempionaty bolady. Alaida biyl memlekettık emtihan tapsyratyn bolǧandyqtan qatysa almaimyn.
Jarysta dostarymmen qarsylas bolǧan sätter kezdestı. Bırde eŋ jaqyn dosymmen finalda jolyqtyq. Men jeŋıp kettım. Alaida ekeumız bır-bırımızdı qūttyqtap, jeŋısımızge bırge quandyq. Menıŋ de jeŋılıp qalǧan sätım boldy. Bıraq, dostyq qaşan da biık tūrady. Özıme sportpen ainalysqan qatty ūnaidy. Bolaşaqta kiokuşinkai karate boiynşa öz klubymdy aşqym keledı. Elımızdegı būl sport türımen ainalysatyndardyŋ ışınde trenerım Alena Tyşenkony ülgı tūtamyn.
Synyp jetekşısı Baqytgül Meiırmanovanyŋ aituynşa, Aŋsar sabaqtan sebepsız qalmaidy.
– Jarystarǧa baratyn kezde ata-anasy aldyn ala habarlasyp, anyqtamasyn alyp keledı. Sportty öte qatty jaqsy köredı. Mektepte futbol üiırmesıne qatysady. Qandai tapsyrma bersek te, jauapkerşılıgı myqty. Mınezı öte salmaqty, bırqalypty, turasyn aitady. Äkesı – polisiia qyzmetkerı, anasy – aspaz. Ekı äpkesı bar, üidıŋ kenjesı. Anasy mektepke kelıp mūǧalımdermen aşyq söilesıp, balasynyŋ ülgerımın ünemı bılıp otyrady. Al jarystarǧa alyp ketetın kezde äkesı kelıp söilesedı. Öte tärbielı otbasynan şyqqan bala dep aitar edım.
Aizada
Jaiyqqyzy
