Üzdık oquşy
[smartslider3 slider=2244]
Bırǧanym Batyrbek –halyqaralyq sporttyq bal biınıŋ laureaty. Bidıŋ būl türıne üş jasynan bastap qatysqan. Qazır elordadaǧy Nazarbaev Ziiatkerlık mektebınıŋ 7-synybynda oqidy.
Bırǧanymdy bige äjesı aparǧan. Alǧaşqyda baletke, hip-hopqa, ūlttyq bige qatysqanymen, taŋdauy sporttyq bige tüsken.
– Osy bi türı janyma jaqyn boldy. Sebebı ışkı düniemdegı barlyq emosiiamdy bilep körsetemın. Alǧaşqy ret jarysqa qatysqanda ekınşı oryn alyp qaldym. Sol kezde ädıletsızdıkke aşulandym. Işımnen «qalai da alǧaşqy oryndy alatyn bolamyn» dep özıme maqsat qoidym. Sodan berı bimen kündelıktı ainalysyp kelemın.
Anna Vladimirovna 7 jasymnan berı osy bi türıne jattyqtyryp keledı. Bastapqy 5 jyl boiy özım ǧana biledım. Öitkenı bige baratyn ūldar az ärı bıraz uaqyttan soŋ ketıp qalady. 10 jasymda jattyqtyruşym jūp bolyp bileudı ūsyndy. Qazırgı jūbym Nikitamen bilep kele jatqanyma biyl jarty jyl tolady, – dedı bişı qyz.
Ol bos uaqytynda fantastikalyq janrdaǧy kıtaptardy oqidy.
– Qazaq jazuşylarymen qatar, älem ädebietı de ūnaidy. Bıraq naqty bır avtordy jaqsy köremın dep aita almaimyn. Dostarymnyŋ köpşılıgı bişıler bolǧandyqtan, olarmen ortaq äŋgımemız köp. Köpşılıgı maǧan «bärıne qalai ülgeresıŋ?» dep taŋǧalyp jatady. Taim-menedjmenttı dūrys meŋgeru kerek. Sol kezde bärı oŋai bolady dep oilaimyn, – dedı Bırǧanym.
Qazır Bırǧanym säuırde Angliiada ötetın baiqauǧa daiyndalyp jatyr.
– Kez kelgen elde eŋ keremet öner körsetetın bişı joq. Degenmen Resei bişılerınıŋ tehnikasy myqty. Bız şetelge şyqqan kezde şeberlık synyptaryna qatysuǧa tyrysamyz. Qazaqstanǧa arnaiy kelıp, sabaq üiretetınderı de bar.
Bolaşaqta qai mamandyqty taŋdaitynymdy älı oilanbadym. Bıraq jeke bi-studiiamdy aşqym keledı. Sebebı bi – menıŋ ömırım. Sol üşın basqa kışkentai balalardy osy bi türıne üiretkım keledı. Al köpşılıgı «bi turaly aita bastaǧanda sen öte baqytty körınesıŋ» dep aityp jatady.
Anasy Dinanyŋ aituynşa, Bırǧanymnyŋ esımın äjesı qoiǧan.
– Qyzym öte bauyrmal. Üide äpkesımen jiı syrlasady, kışkentai bauyrynyŋ sabaǧyna kömektesedı. Sosyn bärı bırge oinaidy. Köbınese üide bolǧanda tättı pısıredı jäne toqyma toqidy. Bilegendı jaqsy köredı. Bolaşaǧyn bimen bailanystyrady dep oilaimyn, – dedı anasy.
Aizada Jaiyqqyzy