YRYS ALDY – YNTYMAQ
«Konstitusiia – Qazaqstan halqynyŋ bırlıgınıŋ kepılı» atty Qazaqstan halqy Assambleiasynyŋ respublikalyq aksiiasynyŋ şeŋberınde döŋgelek üstel otyrysy öttı.
Astana qalasy äkımdıgı janyndaǧy «Qoǧamdyq kelısım» ūiymynyŋ jetekşısı Baqytjan Äbıldinov ıs-şaranyŋ maqsaty – elımızdıŋ Ata Zaŋyn talqylau arqyly qazaqstandyq yntymaqtastyqtyŋ negızderın baiandap, respublikamyzda jasap jatqan barşa halyqtyŋ Konstitusiia aiasynda bekıtılgen qūqyqtary men jauapkerşılıkterın taldau arqyly jetken jetıstıkterımızdı nasihattau bolyp tabylatynyn aitty. Al «Vainah» şeşen-inguş etnomädeni ortalyǧynyŋ jetekşısı Salman Geroev öz sözınde el Täuelsızdıgınıŋ qazaq jerınde jasap jatqan barlyq ūlt ökılderı üşın maŋyzdylyǧyna toqtaldy. Osy jyldary ūlttyq bastaularyna qaita oralyp, öz dının, dästürın, tılın jaŋǧyrtuǧa mümkındıktıŋ negızı Konstitusiiada qalanǧanyn aitty. «Bız, ortaq tarihi taǧdyr biriktirgen Qazaqstan halqy, baiyrǧy qazaq jerinde memlekettilik qūra otyryp, joǧary jauapkerşiligimizdi sezine otyryp, özimizdiŋ egemendik qūqyǧymyzdy negizge ala otyryp osy Konstitusiiany qabyldaimyz» degen elımızdıŋ basty Zaŋynyŋ alǧaşqy sözderın basa aitqym keledı. Rasynda da, bızder adam jäne adamnyŋ ömiri, qūqyqtary men bostandyqtaryn ūlyqtai otyryp, zaiyrly, qūqyqtyq jäne äleumettik memleket retinde qalyptastyq» dedı.
Jiyn barysynda qalalyq etnomädeni ortalyqtarynyŋ ökılderımen qatar, käsıbi mediatorlar da qatysyp, pıkır alysty.
Aigül UAISOVA