Elordada 28 nauryz ben 8 säuır aralyǧynda zaŋsyz qyzmet körsetetın kölık jürgızuşılerın tekseru maqsatynda reid ūiymdastyrylady. Onyŋ qūramynda qalalyq äkımdık, Jergılıktı polisiia qyzmetı, Memlekettık kırıster departamentı men ükımettık emes ūiymdardyŋ ökılderı bolady.
Şahar basşysy Ädılbek Jaqsybekov apparat otyrysynda jolauşylardy zaŋsyz tasymaldaumen ainalysatyn azamattarǧa şara qoldanudy tapsyrǧan-dy. Jürgızılgelı jatqan reidtıŋ maqsaty – salyq organdarynda tırkelmegen, ökılettı organdarmen kelısımşartqa otyrmaǧan, qyzmet körsetu üşın berılgen arnaiy rūqsaty joq, sondai-aq, atalǧan saladaǧy ortaq talaptardy oryndaudan jaltarǧan jandardy tekserıp, tärtıpke şaqyru. Osylaişa, joǧarydaǧy vedomstvo qyzmetkerlerı astanalyqtardyŋ qauıpsızdıgın qadaǧalap, jürıp-tūruǧa qolaily jaǧdai jasamaqşy.
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
