Nauryz qarsaŋynda jarymjan jandar arasynda boulingten jarys öttı. Būl tek oiyn-sauyq şarasy ǧana emes, basqosudyŋ basty maqsaty – mügedekterdıŋ saǧyn syndyrmai, olarǧa qoldau bıldıru. İgı şara Täuelsızdıktıŋ 25 jyldyǧyna orai ūiymdastyryldy.
– Qazaqstanda 648 myŋ mügedek bar. Onyŋ 90 paiyzǧa juyǧy medisinalyq oŋaltuǧa mūqtaj. Bızdıŋ mındet – mümkındıgı şekteulı jandardyŋ qoǧamda erkın ömır süruıne kömektesu. Mäselen, Japoniiada mügedek jarty jyldyq em qabyldap, jūmysqa şyǧa beredı. Al jetınşı aida memleketke salyq tölei bastaidy, – deidı «Mügedek jastar qoǧamy» bırlestıgınıŋ töraǧasy Mūrat Äbdımomynov.
Onyŋ aituynşa, elordamyzda balalarǧa arnalǧan üş bırdei oŋaltu jäne beiımdeu ortalyǧy jūmys ısteidı. Bırlestıktıŋ mügedekterdı emdeu üşın qajettı qondyrǧylary bar. Alaida jalǧa alu qūnyn qaltalary kötermeidı. Sol sebeptı de, olar özınıŋ oŋaltu ortalyǧyn aşuǧa müddelı.
«Jastar teatrynyŋ» akterı Däuren Serǧazin, «Qazaq Brand» kompaniiasynyŋ basşysy Syrym Äbdırahmanov jäne basqa da erıktıler osy aradan tabylyp, balalardyŋ köŋılın köterdı. Alty oiynşydan qūralǧan tört komanda arasyndaǧy jarys tartysty öttı.
Güldana TALǦATQYZY
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
