Soŋǧy ekı jyl kölemınde elımızdegı zeinetaqy jüiesı bırneşe özgerıstı basynan ötkerıp ülgerdı. Künı keşege deiın, iaǧni 2014 jyl bastalǧanşa zeinetaqy qoryndaǧy aqşany on şaqty jeke qarjy qūrylymy basqaryp, halyqtyŋ jinaǧyn köbeitumen ainalysyp kelıp edı. Al odan keiın Bıryŋǧai jinaqtauşy zeinetaqy qory qūrylyp, memleket būl qordaǧy qarjyny tıkelei özı qadaǧalaudy qolǧa aldy.
Ekonomikaǧa salynsa, qaitarymy bar
Mamandardyŋ aituynşa, osy soŋǧy jüie oŋ nätije berıp, ekı jyldan asar-aspas uaqyt ışınde elımızdıŋ zeinetaqy qoryndaǧy qarjy 6 trln 145 mlrd teŋgege jetken. Būryn zeinetaqy qoryndaǧy aqşany jeke-dara
iemdenıp, qalǧan qarjy qūrylymdarynyŋ qalauyna salsaq, zeinetaqy qoryndaǧy qarjynyŋ teŋ jartysy qaitadan jeke qorlarǧa bölınıp berıluı tiıs. Ol qorlar sanauly jyldan soŋ zeinetaqyǧa jinaqtalǧan aqşany joq degende ekı ese qylyp köbeitıp bermek. Bıraq mamandar būǧan bırauyzdan qarsy. Öitkenı zeinetaqy qoryndaǧy qarjy jeke qorlarda bolǧan kezde, onşalyqty ösım qūrala qoimaǧan. Sondyqtan būl jüiege qaita oraludyŋ qajetı joq deidı mamandar. Būdan soŋ qordaǧy qarjynyŋ az ǧana bölıgın ekonomikany sauyqtyruǧa paidalansaq degen pıkır de aitylǧan edı. Mūny qūzyrly organdar da joqqa şyǧarmady.
– Elbasymyz biylǧy jyly zeinetaqy qorynyŋ belgılı bır bölıgın el ekonomikasyn köteruge paidalanudy ūsynǧan bolatyn. Sondyqtan biyl 1 trln 450 mlrd teŋge bırqatar baǧytqa investisiialanady. Bırden aitaiyq, mūnyŋ ışınde «EKSPO-2017» körmesı qūrylysyna qarjy bölu qarastyrylmaǧan. Onyŋ qūrylysyna zeinetaqy qorynan bır teŋge de jūmsalmaidy. Joǧaryda aitylǧan 1 trln teŋgeden astam qarjynyŋ 500 milliardy tabys äkelu üşın şetel valiutasyna auystyru josparlansa, 600 mlrd teŋge ekınşı deŋgeilı bankter men ūlttyq holdingterge naryqtaǧy paiyzdyq üsteme negızınde berıledı. Keiınnen onyŋ bärı ekonomikanyŋ maŋyzdy sektorlaryn damytuǧa baǧyttalady. Sondai-aq, şaǧyn jäne orta biznes salasyn jandandyru da közdelıp otyr. Mūnyŋ bärı – qaitarymy bar jobalar. Jūmsalǧan qarjy ekı eselenıp qorǧa qaitarylady, – deidı būl turaly Ūlttyq ekonomika ministrınıŋ bırınşı orynbasary Marat Qūsaiynov.
Basty qojaiyn investisiialyq komitet
Bıryŋǧai jinaqtauşy zeinetaqy qoryndaǧy qarjyny basqaru bır adamnyŋ ielıgındegı şarua emes. «Keŋesıp pışken ton kelte bolmaidy» degendei, qorǧa jinalǧan qarjyny basqaru, tiımdı baǧyttarǧa investisiialaudy QR Ūlttyq Bankı janyndaǧy İnvestisiialyq komitet jüzege asyrady. «BJZQ» AQ basqarmasy töraǧasynyŋ orynbasary Ruslan Erdenaevtyŋ aituynşa, būl komitettıŋ müşelerın tıkelei Elbasynyŋ özı sailaidy. Komitet qyzmettık sipaty jaǧynan alǧanda, konsultativtık keŋesşı organ retınde jūmys ısteidı. Keŋes müşelerı şeşım qabyldamas būryn kelıp tüsken ūsynysty jan-jaqty talqylaidy. Bylaişa aitqanda, asyǧys şeşım qabyldanbaidy, közsız täuekelderge jol berılmeidı.
Bıryŋǧai jinaqtauşy zeinetaqy qorynan 30 mlrd teŋgenı eksportty qoldau jobalaryna bölu – osy keŋeste köpten berı talqylanyp kele jatqan mäselelerdıŋ bırı. Qarjylandyryluǧa tiıs jobalardyŋ jalpy sany 700-ge jetıp jyǧylady eken. Osy jobalar aiasynda 14 myŋ jaŋa jūmys orny aşylyp, 540 mlrd teŋgenıŋ önımı öndırıletın bolady. Önımnıŋ kölemın osyndai mölşerge jetkıze alsaq, būdan elımızge 60 mlrd teŋge salyq tüsıp otyrady eken. Jalpy alǧanda, ekonomikaǧa qarjy jūmsaudyŋ qaitarymy bar, täuekelı de az. Tılge tiek bolyp otyrǧan 30 mlrd teŋgenıŋ bärı tek osy jobalarǧa ǧana jūmsalmaidy. Qalǧan qarjyny 2016-2017 jyldardaǧy ekonomikalyq ösımdı yntalandyruǧa baǧyttau közdelgen. Būl banktık depozitten äldeqaida tiımdı, äldeqaida senımdı ekenın kez kelgen ekonomist, qarjy salasynyŋ mamany aityp bere alady.
İnvestisiialau tiımdı jol
EKSPO qalaşyǧy aumaǧyndaǧy MEGA Silk Way sauda-oiyn-sauyq ortalyǧy qūrylysyna «Bäiterek Development» AQ arqyly Bıryŋǧai jinaqtauşy zeinetaqy qorynan 15 mlrd teŋge bölıngende, jūrtşylyq bır şu ete qalǧany belgılı. Osy mäselege qatysty arnaiy brifing ötkızgen Qazaqstan Damu bankı töraǧasy Bolat Jämışev būl qarjynyŋ 16,5 paiyzben nesiege berılıp otyrǧanyn tüsındırıp bergen edı.
– Negızınde qordaǧy qarjy tiımdı jobalarǧa investisiialanyp otyruy kerek. Äitpese, qarjy qūnsyzdanady. Sol sebepten BJZQ bızge osynşa mölşerdegı qarjyny investisiialady. Onyŋ bärı turistık jobaǧa baǧyttalyp jatyr. Turizm – tabysty sala ekenın özderıŋız bılesızder. Būǧan qosa, Qazaqstan Damu bankı – zaiyrly deŋgeidegı qarjylyq qūrylym. Iаǧni, investisiia üşın senımdı ärı tiımdı nysan sanalamyz. Bız memlekettık baǧdarlamalarǧa sai auqymdy jobalardy qarjylandyramyz. Elımızdegı ekınşı deŋgeidegı bankterdıŋ oǧan şamasy jetpeidı. Eger bızdegı bankterdıŋ būǧan şamasy jetetın bolsa, bız onda mūndai jobalarmen ainalyspaǧan bolar edık, – dep tüsındırdı Bolat Bidahmetūly.
İnvestisiia degennen şyǧady, BJZQ-ǧy qarjysy qūndy qaǧazdar naryǧynda da ünemı investisiialanyp otyrady. Qordaǧy aqşanyŋ qūnyn joǧaltpai, ösımın eselep, 6 trln teŋgeden asyru – tiımdı investisiianyŋ jemısı. Ūlttyq Bank taratqan mälımetke qaraǧanda, qordaǧy jalpy qarjynyŋ 42,5 paiyzy Qarjy ministrlıgınıŋ baǧaly qaǧazdaryna investisiialansa, 39 paiyzy Qazaqstan Respublikasynyŋ basqa da imitentterınıŋ baǧaly qaǧazdaryna investisiia retınde baǧyttalǧan. Būǧan qosa, on paiyzy şeteldık imitentterdıŋ baǧaly qaǧazyna investisiialanǧan. Osylaişa ūlttyq valiuta baǧamyndaǧy özgerıs eŋserılıp otyrsa kerek. Būdan zeinetaqy qoryndaǧy qarjy tiımdı basqarylyp jatqanyn baǧamdauǧa bolatyndai.
Meŋdolla ŞAMŪRATOV