Elordalyq ata-äjeler «Qarttar künın» köŋıldı fleş-mob bileuden bastady. «Jastar» saraiynda ötken merekelık şaraǧa qalanyŋ 300-ge juyq zeinetkerı qatysty.
«Ardagerler salauatty ömır saltyn qoldaidy» taqyrybyndaǧy fleşmob qimyldaryn qariialarmen bırge oquşylar men student jastar bırge jasady. Būl şaraǧa ūiytqy bolǧan qalalyq Ardagerler keŋesı men, Almaty, Saryarqa, Esıl audandarynyŋ Ardagerler keŋesı. Sonymen bırge Qarttar künındegı sporttyq şaraǧa Mädeniet, mūraǧattar jäne qūjattama basqarmasy men Deneşynyqtyru jäne sport basqarmasy qoldau körsetken.
«Öskeleŋ ūrpaqqa ülgı bolu maqsatynda igı şarany ekınşı jyl qatarynan ötkızıp kelemız. Sportpen şūǧyldanuǧa eşqaşan keş emes. Ardagerlerımızdıŋ zerıgıp, bos otyratyn uaqyty da joq. Şahmat oinaidy, qysta şaŋǧymen jarysady, aramyzda sport şeberlerı de barşylyq. Jastaiynan salauatty ömırge beiım bolsa, qartaiǧanda da belsendı qalpynda sergek jürmek» deidı Qalalyq ardagerler keŋesı töraǧasynyŋ orynbasary Esbolat Düisenov.
Şynymen de jastarǧa sekıldı jasamystarǧa da deneşynyqtyru taŋsyq emes. Qūrby-qūrdas ekı-üş äjenı sözge tartqanymyzda olar bızge fitneske baratyndyqtaryn aitty. «Bügıngı fleş-mob jalǧasyn tabuy tiıs jaqsy bastama. Zamandastarymyzdyŋ arasynda qartaiǧanda jügırıp, jattyǧu jasauǧa ūialyp, ne bolmasa bır jerımdı auyrtyp alam dep qorqatyndar bar. Endı sol közqarastary özgergen şyǧar. Būl bır serıgu ǧoi. Ony endı kündelıktı ädetke ainaldyru kerek. Mäselen özımnıŋ fitneske qatysyp jürgenıme biyl mıne üş jyl» deidı özın Nina İvanovna dep tanystyrǧan süikımdı äjei.
Atap öteiık, Qarttar künındegı merekelık baǧdarlamalar bügın Astanada künı boiy jalǧasady.
Mädina JAQYP
