Keşe Astana qalasynyŋ äkımı Ädılbek Jaqsybekov bır auysymda 500 adam qabyldai alatyn jaŋa ambulatoriialyq-emhana keşenınıŋ aşylu saltanatyna qatysty dep habarlady qalalyq äkımdıktıŋ baspasöz qyzmetı. Osynau №9 qalalyq emhana QR Densaulyq saqtaudy damytudyŋ «Salamatty Qazaqstan» memlekettık baǧdarlamasyn ıske asyru aiasynda salyndy.
Keşen qūramyna konsultativtık-diagnostikalyq bölım, jalpy täjıribe, profilaktika jäne äleumettık-psihologiialyq kömek körsetu bölımı, 20 oryndyq kündızgı stasionar jäne ambulatoriialyq hirurgiia ortalyǧy kıredı. Astananyŋ sol jaǧalauynan oryn tepken emhana 80 myŋnan asa tūrǧynǧa qyzmet körsetpek. Ǧimarat halyqaralyq standart talaptaryna sai keletın zamanaui medisinalyq qondyrǧylarmen jabdyqtalǧan. Säulelı diagnostika jasauǧa arnalǧan apparatura, aurudy ultradybystyq zertteu jabdyǧy, balalar men eresekterdıŋ syrqatyn anyqtaityn beineendoskopiialyq apparatura bar. Sonymen qatar, LOR därıger, oftalmolog jäne basqa da mamandandyrylǧan kabinetter aşyldy. Jaŋa nysan Orynbor köşesındegı 16/1-üide ornalasqan.
Sondai-aq, qala basşysy äkımdıktıŋ «Onkologiialyq ortalyq» şaruaşylyq jürgızu qūqyǧyndaǧy memlekettık qazynalyq käsıporyn bazasyndaǧy jaŋa medisinalyq klasterdıŋ tanystyrylymyna qatysty. Mekemede «VARIAN» (AQŞ) şyǧarǧan «TRUEBEAM» joǧary energetikalyq jelılık jyldamdatqyş qoldanysqa engızıledı. Jelılık jyldamdatqyş qaterlı ısıktıŋ barlyq türlerın
zamanaui tehnikany paidalana otyryp, säulemen emdeuge mümkındık beredı.
