Ortalyq kommunikasiialar qyzmetınde Europalyq qūqyq jäne adam qūqyn qorǧau saraptamalyq institutynyŋ direktory Marat Başimov elımızdıŋ Orta Aziia aimaǧynda BŪŪ Qauıpsızdık Keŋesıne müşe bolǧan alǧaşqy el ekenın ärı būl oqiǧanyn maŋyzdylyǧyna toqtaldy.
Qazaqstannyŋ BŪŪ Qauıpsızdık Keŋesıne 2017-2018 jyldarǧa tūraqty emes müşe bolyp sailandy. Dauys beruge qatysqan BŪŪ-ǧa müşe 193 memlekettıŋ 138-ı elımızdı qoldady. Qalǧan 55 memleket qarsylas el Tailandqa dauys bergen.
– Mūndai jetıstıkke jetuımızdıŋ basty sebebı, Prezident Nūrsūltan Nazarbaevtyŋ BŪŪ Bas Assambleiasynyŋ 70-şı sessiiasy barysynda ūsynǧan baǧdarlamalary şeşuşı röl atqardy deuge bolady. Negızgı ūstanymymyz – iadrolyq qarusyzdandyru, terrorizmmen küres jäne energetikalyq qauıpsızdık mäselelerı. Memleket basşysy Nūrsūltan Nazarbaevtyŋ halyqaralyq bedelınıŋ arqasynda jäne syrtqy diplomatiialyq qyzmettıŋ tabysty jūmysy osyndai nätije berıp otyr. Qazaqstan būl rette ǧalamdyq mäselelerdı retteuge, iadrolyq qarusyzdandyru men ony taratpau mäselelerın şeşudı jalǧastyratyn bolady, – deidı Marat Sovetūly.
Aita ketken jön, elımız bedeldı ūiymǧa tūraqty emes müşesı boluǧa öz kandidaturasyn alǧaş ret 2010 jyly ūsynǧan bolatyn.
Gülmira ŞARHANQYZY
