Memleket basşysy industriialandyru baǧdarlamasynyŋ 2016 jylǧy I jartyjyldyqtaǧy jüzege asyrylu qorytyndylaryna arnalǧan keŋeske qatysty
Elbasy ıs-şara aldynda tamaq önerkäsıbı men jeŋıl önerkäsıptıŋ jäne farmasevtika öndırısınıŋ halyq tūtynatyn tauarlarymen tanysyp, «Qazaqstanda jasalǧan» atty körmenı aralady.
Jalpyūlttyq teleköpır aiasynda İndustriialandyru kartasynyŋ bırqatar jobalary ıske qosyldy. Būdan bölek, ıstep tūrǧan öndırısterdıŋ jūmysy tanystyryldy.
Keŋeske qatysuşylarǧa arnaǧan sözınde Nūrsūltan Nazarbaev teleköpır arqyly ıske qosylǧan önerkäsıpter el ekonomikasynyŋ damuyna öz ülesın qosuy tiıs ekenın atap öttı.
– İndustriialandyru – jaŋa ekonomikalyq ahualdaǧy bızdıŋ jūmysymyzdyŋ basty baǧytynyŋ bırı. Osydan 6 jyl būryn eldıŋ industriialyq-innovasiialyq damu baǧdarlamasyn üdetudı bastaǧan bolatynbyz. Osy uaqyt ışınde önerkäsıptıŋ öŋdeu sektorynda myŋnan astam käsıporyn ıske qosyldy. Qazaqstanda būǧan deiın öndırılmegen 500-ge juyq önımnıŋ mülde jaŋa türlerı şyǧaryla bastady. 200 myŋnan astam jaŋa jūmys orny aşyldy, – dedı Qazaqstan Prezidentı.
Elbasynyŋ aituynşa, industriialandyru baǧdarlamasynyŋ basty nätijelerınıŋ bırı öŋdeuşı salalardyŋ oza damuy boldy.
– Ösım qarqyny boiynşa öŋdeu önerkäsıbı tau-ken öndıru sektoryn 1,4 ese basyp ozady. Osylaişa ekonomikamyzdyŋ qūrylymy jaqsaruda. Qazaqstannyŋ öŋdeu önerkäsıbı oŋ nätijeler körsetuın jalǧastyryp otyr, – dedı Nūrsūltan Nazarbaev.
Qazaqstan Prezidentı industriialandyrudyŋ ekınşı besjyldyǧyn ıske asyrudyŋ bastapqy kezeŋı eldıŋ ışkı öndırısı men qazaqstandyqtardyŋ äl-auqatynan körınetın älemdık ekonomikadaǧy tüitkılderdıŋ köbeiuı kezeŋımen säikes kelgenın atap öttı.
Osyǧan orai Memleket basşysy İndustriialandyru baǧdarlamasyna tiıstı özgerıster engızu qajettıgıne nazar audardy.
– Barşamyz körıp otyrǧandai, el ekonomikasy tauarlarymyzǧa degen sūranys pen baǧanyŋ tömendeuı arqyly körınıs tapqan zor syrtqy qysymdy sezınude. Eldegı ekonomikalyq belsendılık köp jaǧdaida auqymdy memlekettık investisiialar arqyly qoldau tauyp otyr. Sondyqtan qazırgı kezde ekonomika ösımınıŋ jaŋa közderın qalyptastyru qajet. Osyǧan bailanysty, aldaǧy jyldary Ükımettıŋ küş-quatyn bırneşe eksportqa baǧyttalǧan basym salalarǧa şoǧyrlandyru kerek. Mysaly, olar önerkäsıp salasynda azyq-tülık önımderı öndırısı, metallurgiia, maşina jasau, agrohimiia jäne mūnai himiiasy öndırısı boluy tiıs. Qyzmet körsetu salasynda kölık jäne logistika, densaulyq saqtau, bılım beru, injenerlık-tehnikalyq qyzmetter jäne turizmge nazar audaru kerek. 2025 jyly şikızattyq emes eksportty 2015 jylmen salystyrǧanda 2 ese arttyruǧa qol jetkızu qajet, – dedı Nūrsūltan Nazarbaev.
Sonymen qatar, Qazaqstan Prezidentı tamaq önerkäsıbı salasyndaǧy jobalardy memlekettık qoldau şaralarymen qamtudyŋ aiasyn keŋeitu qajettıgın atap öttı.
Memleket basşysy jaqsy nätijeler bolǧanyna qaramastan, industriialandyru üderısınde kemşılıkter de bar ekenın aitty.
– Önerkäsıptık öndırısterdı köptep qūru maqsat bolmau kerek. Negızgı nazardy jobalardyŋ sapasy men ömırşeŋdıgıne audarǧan jön. Sondyqtan, qazırgı besjyldyqta jobalardy ırıkteu jäne memlekettık qoldau şaralaryn körsetu olardyŋ bäsekege qabılettılıgı men eksporttyq äleuetın eskere otyryp qana jüzege asyryluǧa tiıs, – dedı Nūrsūltan Nazarbaev.
Qazaqstan Prezidentı Düniejüzılık sauda ūiymyna kırgennen keiın elımızdıŋ aldynan aşylǧan mümkındıkter turaly aita kelıp, Ükımetke Qazaqstandyq tauarlar men qyzmetterdıŋ syrtqy naryqtarǧa şyǧuyn qoldau jönındegı şaralardy äzırleudı tapsyrdy.
Memleket basşysy qazırgı zamanǧy sarapşylardyŋ köpşılıgınıŋ baǧalauy boiynşa, älem özgergenın jäne jaŋa jaǧdaida ömır sürıp jatqanyn, būl kezde «resurstar ekonomikasynyŋ» ornyna «bılım ekonomikasy» keletının aitty.
– Bırınşı orynǧa jaŋaşyl (kreativtı) jäne önımdılıgı joǧary jeke biznes şyǧyp otyr. Qazır älemde tehnologiialardyŋ damuy arqasynda zattar internetı, nano jäne biotehnologiialar, jaŋa materialdar jäne taǧy basqa jaŋa mümkındıkterge jol aşyluda. Boljam boiynşa, bolaşaqta jaŋa tehnologiialar ǧana 30-dan 70 paiyzǧa deiıngı IJÖ ösımın qamtamasyz etetın bolady. Eger bız jaŋa tehnologiialarmen jäne innovasiialarmen ainalyspaityn bolsaq, bäsekelestıkte tabysty bolmaimyz. Sondyqtan, 2014-2015 jyldardyŋ özınde ǧana ǧylymi-zertteu jäne täjıribe-konstruktorlyq jūmystary 142 milliard teŋgege qarjylandyryldy. Älemdık täjıribe joǧary oqu oryndary ǧalymdar ǧana emes, studentter arqyly da äzırlenetın innovasiialyq şeşımder ortalyǧyn qalyptastyruşy bolyp tabylatynyn körsetıp otyr, – dedı Nūrsūltan Nazarbaev.
Osyǧan bailanysty Qazaqstan Prezidentı universitetter janynan innovasiialar ortalyǧyn qūru jūmystaryn jandandyru mındetın qoidy, olarda qazırgı zaman talaptaryna sai keletın kadrlar daiarlanuǧa tiıs.
Sonymen qatar, Memleket basşysy industriialandyru baǧdarlamasyn odan ärı jüzege asyru josparyn tolyqtyruǧa qosar bırqatar ūsynystaryn aitty.
– Bızdıŋ qyzmetımızdıŋ basty maqsaty – halyqty laiyqty tabys deŋgeiımen qamtamasyz ete alatyn jemıstı türdegı jūmyspen qamtu ısı. Būl üşın bızge bırqatar mındetterdı oryndau kerek, sonyŋ ışınde jappai käsıpkerlıktı damytu baǧytyndaǧy jūmysty jalǧastyru qajet. Halyqqa, jastarǧa äsırese auylda öz ısın bastauǧa mümkındık beru kerek. Bastapqy kapital aludy jeŋıldetıp, şaǧyn nesie beru aiasyn ūlǧaitqan dūrys. Agroönerkäsıp keşenıne airyqşa nazar audarǧan jön. Bügınde ol negızınen halyqtyŋ jeke üi şaruaşylyǧynan tūrady. Öndırıs kölemı az bolǧandyqtan, olardyŋ saqtauǧa, öŋdeuge jäne önımdı ötkızuge mümkındıkterı joq. Olardyŋ önımderın öŋdeu jäne ötkızudı qamtamasyz etu üşın osyndai şaruaşylyqtardy kooperasiiasyn jedeldetıp damytu qajet, – dedı Nūrsūltan Nazarbaev.
Qazaqstan Prezidentı halyq tabysynyŋ ösımın barlyq memlekettık baǧdarlamalardy jüzege asyrudaǧy negızgı basymdyq retınde qarastyru qajettıgıne airyqşa nazar audardy.
– Qymbat importtyq tauarlardy otandyq önımdermen almastyru kerek. Ükımet pen Ūlttyq bank halyqtyŋ tabysyna tıkelei äser etetın infliasiia deŋgeiın tömendetudıŋ qamtamasyz etıluın qadaǧalauy qajet, – dedı Memleket basşysy.
Nūrsūltan Nazarbaev jerdı suaru jäne irrigasiia jüiesın qalpyna keltırudıŋ keşendı jüiesın äzırleu qajettıgıne toqtalyp, bes jylda 600 myŋ gektardan astam suarmaly jerdı ıske jaratuǧa bolatynyn atap öttı.
Qazaqstan Prezidentınıŋ aituynşa, taǧy bır maŋyzdy mındet – taiau 15 jylda 1,5 million otbasyn qoljetımdı baspanamen qamtamasyz etu.
– Būl rette qarjylandyru Tūrǧyn üi qūrylys-jinaq bankı men Qazaqstandyq ipotekalyq kompaniia arqyly jürgızıluge tiıs. Barlyq qarajatty şoǧyrlandyryp, arnauly şart jasalatyn ekınşı deŋgeilı bankter arqyly baǧyttau kerek. Memleket özıne tek baqylau mındetın qaldyruy qajet. Sonymen qatar, bolaşaqta jūmys küşı qozǧalysynyŋ mobildılıgın qamtamasyz etu üşın satyp alu qūqyǧynsyz jaldamaly baspana bergen jön, – dedı Memleket basşysy.
Sondai-aq Nūrsūltan Nazarbaev barlyq azamattardy tehnikalyq bılımmen tegın qamtamasyz etu jäne investisiianyŋ makroekonomikalyq tūraqtylyǧy men ösımı üşın jaǧdai tuǧyzu jönındegı qoiylǧan būǧan deiıngı mındetterdı eske saldy.
– Ükımet pen Ūlttyq bank ekınşı deŋgeilı bankterdıŋ şaǧyn jäne orta biznestı qarjylandyruyna basymdyq bere otyryp, ekonomikany nesielendıru kölemın qalypqa keltıruı jönınde şaralar qabyldauy tiıs.
Ükımetke qoldanystaǧy baǧdarlamalardy, sonyŋ ışınde industriialyq baǧdarlamany bügın jüktelgen mındetterdı eskere otyryp qaita jaŋartudy tapsyramyn. Osy mäselenıŋ bärın Ükımet, Ūlttyq bank jäne barlyq jauapty vedomstvolar 1 qyrküiekke deiın qarastyryp, ol biudjette eskerıluı tiıs, – dedı Qazaqstan Prezidentı.
Soŋynda Memleket basşysy jürgızılıp jatqan barlyq reformalar elımızdıŋ damuy üşın jaŋa sapaly jaǧdai jasauǧa baǧyttalǧanyn atap öttı.
Is-şara barysynda investisiia jäne damu ministrı J.Qasymbek baiandama jasap, atqarylǧan jūmystar men industriialandyru baǧdarlamasynyŋ ekınşı besjyldyǧyn jüzege asyrudaǧy jaŋa qadamdar turaly äŋgımeledı.
akorda.kz
