Nūr-Sūltan qalasy Tılderdı damytu jäne arhiv ısı basqarmasy men «Ruhaniiat» ortalyǧy «MENİŃ TİLİM – ULY DALA RÝHY» HHI qalalyq tıl festivalı aiasynda «OI-ZEREK» intellektualdy tıl saiysyn ötkızdı.
Bes kezeŋnen tūratyn saiysqa mekemeler men ūiymdardan qūralǧan tört top özara synǧa tüstı. «OI-ZEREK» intellektualdy tıl saiysyna filologiia ǧylymdarynyŋ doktory, professor Şerubai Qūrmanbaiūly, «Tıl-Qazyna» ūlttyq ǧylymi-praktikalyq ortalyǧy orfografiia basqarmasynyŋ ǧylymi qyzmetkerı Nazym Nūrǧazyqyzy, belgılı bloger Arşat Oraz qazylyq ettı.
Saiys nätijesınde 1-oryndy M.Jūmabaev atyndaǧy «Alqa» ädebi bırlestıgınıŋ «Alqa» toby qanjyǧasyna bailady. «İntellektualdy top» atalymynda «Astana Konvenşn Biuro» JŞS-nıŋ «Saiahat» toby, «Ūşqyr oi» atalymynda «Astana jastary» kommunaldyq memlekettık mekemesınıŋ «Bolaşaq» toby, «Bılımdı myŋdy jyǧar» atalymynda «Jas otan» jastar qanaty elordalyq filialynyŋ «Jastar miks» toby jeŋımpaz atandy.
«Būl saiystyŋ basty maqsaty jastarǧa qazaq tılınıŋ qūndylyqtaryn därıptei otyryp, qazaqşa oilauǧa, jazuǧa yqpal etu boldy. Tıl tazalyǧy men mädenietın saqtauǧa ündedık. Sonymen qatar latyn älıpbiın tez meŋgeruge septık tigızu boldy. Saiys barysynda mekeme qyzmetkerlerınıŋ jaŋa älıpbige qyzyǧuşylyǧyn baiqadyq» dedı ıs-şaranyŋ negızgı ūiymdastyruşylarynyŋ bırı «Ruhaniiat» ortalyǧynyŋ basşysy Erjan Eŋsebai.
Jadyra MŪRATBEKOVA
