Baiqoŋyr audany äkımdıgı men «Halyqaralyq baǧdarlamalar ortalyǧy» AQ bastamasymen «Astana – taza jäne qauıpsız qala» ekologiialyq ailyǧy aiasynda «Bolaşaq baǧy» atty şara öttı.
Astana qalalyq äkımdıgınıŋ ökılderı men Baiqoŋyr audanynyŋ äkımı Erlan Qanalimov bastaǧan mekeme qyzmetkerlerı, qalalyq mäslihattyŋ deputattary, qoǧam qairatkerlerı qatysqan şara barysynda Puşkin köşesınıŋ boiyndaǧy gül baǧynda 300 şie köşetı otyrǧyzyldy. Audan äkımınıŋ aituynşa, jalpyqalalyq ekologiialyq ailyǧynyŋ soŋyna deiın mūnda egıletın şie köşetınıŋ sany myŋǧa jetetın körınedı.
– Baiqoŋyr audany endı ǧana qūrylyp jatqandyqtan, Halyqaralyq baǧdarlamalar ortalyǧy bızge şie alleiasyn syilaudy ūiǧardy. Olardyŋ būl ūsynysyn qoldap, Aqbūlaqtyŋ boiynda 300 şie köşetın egıp jatyrmyz. Aldaǧy uaqytta Täşenov, Aqjol, Puşkin köşelerınde de aǧaş köşetterın otyrǧyzatyn bolamyz, – deidı audan basşysy.
Sonymen qatar atalmyş audanda 12 mamyrǧa deiın jalǧasatyn ekologiialyq ailyq aiasynda basqa da auqymdy jūmystar qolǧa alynbaq. Tūrǧyn üilerdıŋ aulalaryna da abattandyru jūmystary jürgızıledı dep josparlanuda.
Nūrdäulet KÄKIŞTEGI
