Keşe Astana qalasynyŋ äkımı İmanǧali Tasmaǧambetov №10 ambulatorlyq-emhanalyq keşennıŋ aşylu saltanatyna qatysty.
«Elımızdıŋ eŋ basty merekesı – Täuelsızdık künı qarsaŋynda Astana qalasynda taǧy bır emdeu mekemesı aşylyp, halyqtyŋ igılıgıne berılmekşı. Būl – «100 mektep, 100 auruhana» memlekettık baǧdarlamasy aiasynda qolǧa alynǧan joba. Jalpy, densaulyq saqtau salasyn nyǧaitu – kün tärtıbındegı basty mındetterdıŋ bırı. Bügıngı emhananyŋ qūrylysyna 4 mlrd teŋgege juyq qarajat jūmsaldy. Atalmyş nysan 65 myŋǧa juyq halyqqa qyzmet körsetedı dep boljanuda» dedı İmanǧali Tasmaǧambetov.
Zamanaui mekemede aldyn ala emdeu, konsultasiialyq-diagnostikalyq bölımder, jastar jäne otbasy densaulyǧy ortalyǧy jūmys ısteidı. Mūnda nauqastardyŋ kezek sanyn oŋtailandyru maqsatynda elektrondy tırkeu jüiesı engızılgen. Sonymen qatar, «Smart Astana» jobasy boiynşa qala tūrǧyndaryna bıryŋǧai medisinalyq aqparat beretın Call-ortalyq aşu josparlanuda.
– Keşen köpbeiındı emhana retınde jūmys ısteidı. №4 jäne №5 emhanalardaǧy şamadan tys jüktemenı azaituǧa septıgın tigızbek. Mekemede 22 därıger-maman jūmys ısteitın bolady, – deidı jaŋa emhananyŋ bas därıgerı mındetın atqaruşy Ashat İbralov.
Gülmira ŞARHANQYZY
