Janūialar jarysy
Tılderdı damytu basqarmasynyŋ ūiymdastyruymen M.Ötemısov atyndaǧy Oquşylar saraiynda Halyqaralyq otbasy künı merekesıne
orai ata-analar arasynda «Otan – otbasynan bastalady» atty baiqau öttı.
Saiysqa qatysuşylar äuelı öz otbasylaryn tanystyru atalymy boiynşa synǧa tüstı. Odan keiın ūlttyq salt-dästürlerge qatysty sūraqtarǧa jauap berıp, maqal-mätel aityp jarysty. Üşınşı ainalymda är otbasy öz önerlerın ortaǧa salyp, körermenderdıŋ yqylasyna bölendı. Baiqauǧa belgılı jurnalist Jūmagül Soltieva, Tıl jäne mädeniet qoǧamynyŋ töraǧasy Änuarbek Eraly jäne Mädeniet qairatkerı, sazger Qaiyrjan Maqanovtar qazylyq ettı.
Jalpy, būl synǧa ırıktelıp alynǧan 10 otbasy atsalysty. Jarys qorytyndysynda 3-oryndy Seitıkov Ädıl men Bekzat Altynbekovtyŋ otbasylary özara bölıstı. 2-orynda – Memlekettık filarmoniianyŋ ärtısı Asqar Qalkenovtyŋ janūiasy. Al, 1-orynǧa QR Işkı äsker ansamblınıŋ jetekşısı Estai Aitqūlovtyŋ janūiasy laiyq dep tabylsa, bas jüldenı «Nūr Otan» HDP Astana qalalyq filialynda küzetşı bolyp qyzmet atqaratyn Serık Taŋatbaevtyŋ otbasy jeŋıp aldy.
Erkejan SÄTIMBEK