Önerımen örledı
Halyqaralyq otbasy künıne orai №48 mektep-liseidıŋ merekeler zalynda «Otbasy – otanymyzdyŋ bolaşaǧy» atty qalalyq otbasylyq şyǧarmaşylyq festivalı bolyp öttı. Astana qalasy Balalardyŋ qūqyqtaryn qorǧau departamentı men Bılım basqarmasy bırlesıp ūiymdastyrǧan şaraǧa Otbasylyq tärbieleu instituty demeuşılık jasady.
Ūiymdastyruşylar bergen mälımetterge qaraǧanda, däl osy künge deiın festivaldıŋ I kezeŋıne qalalyq mektepterden 53 otbasy, barlyǧy 13250 adam qatysqan. Būl osy baiqaudy ūiymdastyruşylar men onyŋ atqaruşylaryn aitpaǧanda, 13250 adam ızgılıkke ortaqtasqanyn bıldıredı.
Al II qalalyq ırıkteu kezeŋıne on üş otbasy joldama alypty.
Sonymen, festivaldıŋ ırıkteu kezeŋınde on otbasy bar önerın ortaǧa salyp, baq synap kördı. Sahnaǧa köterılgen 300-den astam adamnyŋ arasynda tılı şüldırlegen säbilerden bastap, aqsaqaldy atalar men aq jaulyqty analar da bar. Olar otbasyn, ürım-būtaǧyn tanystyru, otbasylyq şyǧarmaşylyq önerın paş etu, sol sekıldı, otbasylyq dästür degen üş türlı synaqtan öttı. Qazaqtyŋ at qoiu, tobyq jūtu, otqa mai qūiu sekıldı köneden kele jatqan kielı dästürlerı jaŋǧyrǧandai boldy.
Saiys qorytyndysy boiynşa I oryn – №48 mektep-lisei atynan qatysyp otyrǧan Aitjanovtar otbasyna, II oryn – №51 mektep-gimnaziiadan kelgen Baikenjeevtar otbasyna, III oryn – №30 mektep-gimnaziiasynyŋ atynan qatysqan Lapinder otbasyna berıldı.
Näzira SAILAUQYZY